Enduko Nanninthaga Neevu | ఎందుకో నన్నింతగా నీవు

638

ఎందుకో నన్నింతగా నీవు - ప్రేమించితివో దేవా 

అందుకో నా దీన స్తుతిపాత్ర - హల్లెలూయ యేసయ్యా ||ఎందుకో||

1.నాపాపము బాప - నరరూపివైనావు 

నా శాపము మాప - నలిగి వ్రేలాడితివి 

నాకు చాలిన దేవుడవునీవే - నా స్థానములో నీవే ||ఎందుకో||

2.నీ రూపము నాలో - నిర్మించియున్నావు 

నీ పోలికలోనే - నివసించుచున్నావు

నీవు నన్ను ఎన్నుకొన్నావు - నీకొరకై నీ కృపలో ||ఎందుకో||

3.నా శ్రమలు వహించి - నా ఆశ్రయమైనావు 

నా వ్యధలు భరించి - నన్నాదుకొన్నావు 

నన్ను నీలోచూచుకొన్నావు - నను దాచియున్నావు ||ఎందుకో||

4.నీ సన్నిధి నాలో - నా సర్వస్వము నీలో 

నీ సంపద నాలో - నా సర్వస్వము నీలో

నీవు నేను ఏకమగువరకు - నన్ను విడువ నంటివో దేవా ||ఎందుకో||

5.నా మనవులు ముందే - ఏ మనస్సులో నెరవేరే

నా మనుగడ ముందే - నీ గ్రంథంబులో నుండె

ఏమి అద్భుత ప్రేమ సంకల్పం - నేనేమి చెల్లింతున్ ||ఎందుకో||

                           - తుమటి మోసెస్ గారు

DOWNLOAD MP3 SONG HERE 👇