Yehova naa balama | యెహూవా నాబలమా

682

యెహూవా నాబలమా - యధార్థమైనది నీ మార్గం -

పరిపూర్ణమైనది నీ మార్గం  ||యెహూవా||

1.నా శత్రువులు నను చుట్టినను - 

   నరకపు పాశము లరికట్టినను 

   వరదవలె భక్తిహీనులు పొర్లిన - 

   వదలక నను ఎడబాయని దేవా ||యెహూవా||

2.మరణపు టురులలో మరువక మొరలిడ - 

   ఉన్నతదుర్గమై రక్షణ శృంగమై 

   తన ఆలయములో నా మొరవినెను  

   అదరెను ధరణి భయకంపముచే ||యెహూవా||

3.నా దీపమును వెలిగించువాడు . 

   నా చీకటిని వెలుగుగ జెయున్ 

   జలరాసులనుండి బలమైన చేతితో - 

   వెలుపల జేర్చిన బలమైన దేవుడు ||యెహూవా||

4.పౌరుషముగల ప్రభు కోపింపగ 

   పర్వతముల పునాదులు వణకెను 

   తన నోటి నుండి వచ్చిన అగ్ని - 

   దహించివేసెను వైరుల నెల్లను ||యెహూవా||

5.మేఘములపై ఆయన వచ్చును - 

   మేఘములను తన మాటుగ జేయును 

   ఉరుముల మెరుపుల మెండుగజేసి - 

   అపజయమిచ్చును అపవాదికిని ||యెహూవా||

6.దయగలవారి పై దయచూపించును -

   కఠినుల యెడల వికటము జూపును 

   గర్విష్ఠుల యొక్క గర్వము నణచును - 

   సర్వము నెరిగిన సర్వాధికారి ||యెహూవా||

7.నా కాళ్ళను లేడికాళ్ళగ జేయును - 

   యెత్తైన స్థలములో శక్తితో నిలపి 

   రక్షణ కేడెము నాకందించి - 

   అక్షయముగ తన పక్షము జేర్చిన ||యెహూవా||

8.యెహూవా జీవముగల దేవా - 

   బహుగ స్తుతులకు అర్హుడ వీవు 

   అన్యజనులలో ధన్యతజూపుచు - 

   హల్లెలూయ స్తుతిగానము జేసెద ||యెహూవా||

DOWNLOAD MP3 SONG HERE 👇