Rajulaku rajaina ee | రాజులకు రాజైన యీ

181

క్రీస్తుని శ్రమల ధ్యానము

రా - కాంభోజి,  తా - రుపకము

రాజులకు రాజైన యీ - మన విభుని - పూజసేయుటకు రండి = యీ జయశాలి కన్న - మన కింక - రాజెవ్వరును లేరని ||రాజులకు||

 

1.కరుణగల సోదరుండై - యీయన - ధరణి కేతెంచె నయ్యా = తిరముగా నమ్ముకొనిన - మన కొసఁగుఁ - బరలోక రాజ్యమ్మును ||రాజులకు||

 

2.నక్కలకు బొరియ లుండె - నాకాశ - పక్షులకు గూళ్లుండెను = ఒక్కింత స్థలమైనను - మన విభుని - కెక్కడ లేకుండెను ||రాజులకు||

 

3.అపహాసములు సేయుచు - నాయన - యాననము పై నుమియుచుఁ = గృప మాలిన సైనికు - లందరును - నెపము లెంచుచుఁ గొట్టిరి ||రాజులకు||

 

4.కరమునం దొక్క రెల్లు - పుడకను - దిరముగా నునిచి వారల్ = ధరణీపతి శ్రేష్ఠుడా - నీకిపుడు - దండ మనుచును మ్రొక్కిరి ||రాజులకు||

 

5.ఇట్టి శ్రమలను బొందిన - రక్షకునిఁ - బట్టుదలతో నమ్మిన = అట్టహాసముతోడను - బరలోక - పట్టణంబున జేర్చును ||రాజులకు||

 

8.శక్తిగల రక్షకుండై - మన కొరకు - ముక్తి సిద్ధముఁ జేసెను = భక్తితోఁ బ్రార్థించిన - మనకొసగు - రక్తితో నాముక్తిని ||రాజులకు||  

7.త్వరపడి రండి రండి - యీ పరమ - గురుని యొద్దకు మీరలు = దరికిఁ జేరిన వారిని - యీ ప్రభువు - దరుమఁ డెన్నడు దూరము ||రాజులకు||

- ఎస్ . జేమ్సు

DOWNLOAD MP3 SONG HERE 👇