Ee Gudiyandu Praveshimpan | ఈ గుడియందు ప్రవేశింపన్

585

ఆలయ ప్రతిష్ట 

రా - శంకరాభరణం,  తా - ఆది

(చాయ: రండి యుత్సహించి)

ఈ గుడియందు ప్రవేశింపన్ - యేసుని బిలువగ రారండి = ఆయన రానిదె దీవెనలు - ఆశీర్వాదము లరుదగును ||ఈగుడి||

1.ఆకా శము మనదేవునికి - అత్యున్నత సింహాసనము = పాదములకు యీ - భూమియును - పీఠముగా నొప్పును సుమ్ము ||ఈగుడి||

2.ఆయన సన్నిధి కాంతియే యీ - ఆలయమంతట నిండుకొనన్ = ఆయన యాత్మ సహాయమున - ఆరాధనలను జరుపుటకై ||ఈగుడి||

3.నిర్మలమైన సువార్తను బో - ధింపగ సాయము జేయుటకు = బోధకులైన సువార్తికుల - బోధను నాటగ జేయుటకు ||ఈగుడి||

4.ప్రార్థన విశ్వాసాయుతమౌ - భక్తిని నేర్పెడి నిలయముగ = భక్తులు దేవుని సన్నిధిలో - బాగుగ స్థిరపడ జేయుటకు ||ఈగుడి||

5.ఈ పట్టణమున వెలుగుటకు - ఈ ప్రజలందరి రక్షణకు = ఈ గుడి యీ సభ బలపడుచు - సాగుచు వృద్ధిని జెందుటకు ||ఈగుడి||

6.బాప్తిస్మము నిర్ధారణలు - ప్రభు భోజన సంస్కారములు = బాగుగ జరుగుచుండుటకు - భక్తిని పెంపొందించుటకు ||ఈగుడి||

7.తండ్రి కుమార శుద్ధాత్మలకు - తావుగ నీ గుడి యుండుటకు = త్ర్యేకుని దీవెన వర్షములు - దీనిపై నిరతము కురియుగాక ||ఈగుడి||

- పి.ఎం. రఫాయేలు 

DOWNLOAD MP3 SONG HERE 👇