Nadipinchu naa naava | నడిపించు నానావ

661

నడిపించు నానావ - నడి సంద్రమున దేవా

నవ జీవన మార్గమున - నా జన్మ తరిఇంప

1. నాజీవిత తీరమున - నా యపజయ భారమున

నలిగిన నాహృదయమును-నడిపించుము లోతునకు

నా యాత్మ విరబూయ - నాదీక్ష ఫలియింప 

నా నావలో కాలిడుము - నా సేవ జే కొనుము  ||నడిపించు||

2. రాత్రంతయు శ్రమపడినా- రాలేదు ప్రభు జయము

రహదారులు వెదకినను- రాదాయెను ప్రతిఫలము

రక్షించు నీ సిలువ - రమణీయ లోతులలో

రతనాలను వెదకుటలో - రాజిల్లు నా పడవ ||నడిపించు||

 

3. ఆత్మార్పణ చేయకయే - ఆశించితి నీ చెలిమి 

అహమును ప్రేమించుచునే- అరసితి ప్రభు నీకలిమి

ఆశ నిరాశాయే - ఆవేద నెదురాయే 

ఆథ్యాత్మిక లేమిగని - అల్లాడె నావలలు ||నడిపించు||

 

4. ప్రభుమార్గము విడచితిని - ప్రార్థించుట మానితిని

 ప్రభు వాక్యము వదలితిని - పరమార్థము మరచితిని

ప్రపంచ నటనలలో - ప్రావీణ్యమును బొంది

 ఫలహీనుడనై యిపుడు - పాటింతు నీమాట ||నడిపించు||

 

5. లోతైన జలములలో - లోతున వినబడు స్వరమా 

లోబడుటను నేర్పించి - లోపంబులు సవరించి

లోనున్న ఈవులలో - లోతైన నా బ్రతుకు

లోపించని యర్పణగా - లోకేశ జేయుమయ ||నడిపించు||

 

6. ప్రభుయేసుని శిష్యుడనై - ప్రభుప్రేమలో పాదుకొని

ప్రకటింతును లోకములో - పరిశుద్ధుని ప్రేమకథ

పరమాత్మ ప్రోక్షణతో- పరిపూర్ణ సమర్పణలో

ప్రాణంబును ప్రభుకొరకు - పానార్పణము చేతు ||నడిపించు||

- ఎ. బి. మాసిలామణి

DOWNLOAD MP3 SONG HERE 👇