Hey Prabhu Yesu | హే ప్రభుయేసు

307

యేసుక్రీస్తు సమాధానకర్త

హే ప్రభుయేసు - హే ప్రభుయేసు - హే ప్రభుదేవ సుతా సిల్వధర, పాపహరా, శాంతికర  ||హే ప్రభు||

1.శాంతి సమాధానాధిపతీ - స్వాంతములో ప్రశాంత నిధి = శాంతి స్వరూపా, జీవనదీపా - శాంతి సువార్తనిధీ ||సిల్వధరా||

2.తపములు తరచిన నిన్నె గదా - జపములు గొలిచిన నిన్నెగదా = విఫలులు జేసిన విజ్ఞాపనలకు - సఫలత నీవెగదా ||సిల్వధరా||

3.మతము లు వెదకిన నిన్నెగదా - వ్రతములు గోరిన నిన్నె గదా = పతితులు దేవుని సుతులని నేర్పిన - హితమతి నీవెగదా ||సిల్వధరా||

4.పలుకులలో నీ శాంతికధ - తొలకరి వానగ గురిసె గదా = మలమల మాడిన మానవ హృదయము - కలకలలా డెకదా ||సిల్వధరా||

5.కాననతుల్య సమాజములో - హీనత జెందెను మానవత = మానవ మైత్రిని సిల్వ పతాకము - దానము జే సెగదా ||సిల్వధరా||

6.దేవుని బాసిన లోకములో - చావుయె కాపురముండె గదా = దేవునితో సఖ్యంబును జగతికి - యీవి నిడితివి గదా ||సిల్వధరా||

7.పాపము చేసిన స్త్రీనిగని - పాపుల కోపము మండె గదా = దాపున జేరి పాపిని బ్రోచిన - కాపరి నీ వెగదా ||సిల్వధరా||

8.ఖాళీ సమాధిలో మరణమును - ఖైదిగ జేసిన నీవెగదా = ఖలమయుడగు సాతానుని గర్వము - ఖండనమా యెగదా ||సిల్వధరా||

9.కలువరిలో నీ శాంతి సుధా - సెలయేఱుగ బ్రవహించె గదా = కలుష యెడారిలో కలువలు పూయుట - సిలువ విజయముగదా ||సిల్వధరా||

   - ఏ . బి. మాసిలామణి

DOWNLOAD MP3 SONG HERE 👇