Gorrepilla vivaahothsava | గొర్రెపిల్ల వివాహోత్సవ సమయము

గొర్రెపిల్ల వివాహోత్సవ సమయము వచ్చెను రండి (2)

1.సర్వాధికారియు- సర్వోన్నతుండైన - 

మన తండ్రిని ఘనపరచి - మనముత్సహించెదము 

                                                ||గొర్రెపిల్ల||

2.సిద్ధపడెను వధువు - సుప్రకాశముగ -

 నిర్మల వస్త్రములతో - నలంకరించుకొనెన్ 

                                                ||గొర్రెపిల్ల||

3.పరిశుద్ధుల నీతిక్రియలే - యా వస్త్రములు -

గొర్రెపిల్ల రక్తములో - శుద్ధి నొందినవారు 

                                                ||గొర్రెపిల్ల||

4.తెల్లని గుర్రముపై - కూర్చుండినవాడు 

నమ్మకమై యున్నట్టి - పెండ్లి కుమారుండు 

                                                ||గొర్రెపిల్ల||

5.దేవుని వాక్యమును - నామము గలవాడు

 రక్తములో ముంచిన - వస్త్రమునే ధరించె 

                                                ||గొర్రెపిల్ల||

6.పరలోక సేనలు - తెల్ల వస్త్రములతో 

తెల్ల గుర్రములెక్కి - వెంబడింతురు ప్రభుని 

                                                ||గొర్రెపిల్ల||

7.ప్రేమించి సంఘముకై- ప్రాణంబునిడె ప్రభువు

పరిశుద్ధ పరచుట కొరకై - తానప్పగించుకొనెన్ 

                                                ||గొర్రెపిల్ల||

8.శ్రీయేసు క్రీస్తుండే - సంఘంబునకు శిరస్సు - 

వాక్య ఉదకముతోడ - శుద్ధిపరచుచుండె 

                                                ||గొర్రెపిల్ల||

9.యెహోవా రాజ్యములో - భూలోకవాసులు -

 సంతోష హృదయములతో - తేజరిల్లుదురు 

                                                ||గొర్రెపిల్ల||

10.దేవా ఈ కార్యమును - నెరవేర్చితివి నీవే -

 నిత్యమును నీ మహిమ - పాడెదం హల్లెలూయా -

                                                ||గొర్రెపిల్ల||

DOWNLOAD MP3 SONG HERE 👇