Mathunu veedandi priyulaara | మత్తును వీడండి ప్రియులారా

మత్తును వీడండి ప్రియులారా మద్యము మానండి

చిత్తుగ తాగి సత్తువ కోల్పోయి నెత్తిన చిక్కులు తెచ్చుకొనకండి 

1.బుద్ధి మందగించునండి - శ్రద్ధ తగ్గిపోవునండి

పొద్దు గుంకగానే చేరి కొద్ది అంటూ మొదలు పెట్టి

హద్దు మీరి తాగి ఆపై మొద్దులగుట ఏలనండి 

2.రక్తమంత చెడునండి - శక్తిహీనులగుదురండి

ముక్తిదాత యేసుస్వామి సూక్తులను చెవినబెట్టి

భక్తితోడ వేడిన విముక్తినిచ్చు నిజమండి 

3.ధనము కరిగి పోవునండి - ఘనత చెరిగి పోవునండి 

జనకుడైన యేసు ప్రేమ కనక నీవు పాపముతో

పనికిమాలి కడకు నరకమునకు చేరుటేలనండి