Naa hrudayamulo nee matale | నా హృదయములో నీ మాటలే

నా హృదయములో నీ మాటలే -

నా కనులకు కాంతిరేఖలు (2) 

కారు చీకటిలో కలువరి కిరణమై 

కఠినహృదయమును కరిగించినావు 

నీ కార్యములను వివరింపతరమా 

నీ ఘనకార్యములు వర్ణింపతరమా

1.మనసులో నెమ్మదిని కలిగించుటకు - 

మంచువలె కృపను కురిపించితివి (2)

విచారములు కొట్టివేసి -

విజయానందముతో నింపినావు

నీరు పారేటి తోటగా చేసి

సత్తువగల భూమిగా మార్చినావు ||నీ కార్యముల||

2.విరజిమ్మె ఉదయకాంతిలో -

నిరీక్షణ ధైర్యమును కలిగించితివి (2)

అగ్నిశోధనలు జయించుటకు

మహిమాత్మతో నింపినావు

ఆర్పజాలని జ్వాలగా చేసి

దీప స్థంభముపై నను నిలిపినావు ||నీ కార్యముల||

3.పవిత్రురాలైన కన్యకగా -

పరిశుద్ధ జీవితం చేయుటకు (2)

పావన రక్తముతోకడిగి -

పరమానందముతో నింపినావు

సిద్ధపడుచున్న వధువుగా చేసి - 

సుగుణాల సన్నిధిలో ననునిలిపినావు ||నీ కార్యముల||

DOWNLOAD MP3 SONG HERE 👇