Madhuramainadi marpulenidi మధురమైనది మార్పులేనిది

మధురమైనది మార్పులేనిది

స్వచ్ఛమైనది - సృష్టిలో శ్రేష్ఠమైనది (2)

మరువలేనిదీ - శాశ్వతమైనదీ.....

తరతరాలలో తరగని క్రీస్తు తత్వమది 

ప్రేమ తత్వమది - క్రీస్తు ప్రేమతత్వమదీ...

1.ప్రేమకు రూపమిచ్చి - భువిపై మనిషిగా పుట్టి

ప్రేమను మనిషికి పంచి - పాపులను క్షమించి (2)

నిందలను భరించి - హింసలను సహించి

మాదిరిని చూపించి - మార్గము తానై వేసి

నిలిచింది మహాత్ములకు ఆదర్శంగా - 

గెలిచింది మనసులను విశ్వవ్యాప్తంగా (2)

మరువలేనిదీ - శాశ్వతమైనదీ.. 

తరతరాలలో తరగని క్రీస్తు తత్వమది 

ప్రేమ తత్వమది - క్రీస్తు ప్రేమతత్వమదీ.. ||మదుర||

2.కరుణకు రూపమిచ్చి - కనికరమును ధరించి

దయాగుణం చూపించి - రోగులను స్వస్థపరచి (2)

బీదల ఆకలి తీర్చి - మనిషికి ప్రేమను నేర్పి 

శత్రువును ప్రేమించి - దుష్టత్వమును సహించి నిలిచింది మనుష్యులకు మాదిరిగా నడచింది భూలోకంలో దైవముగా (2)

మరువలేనిదీ - శాశ్వతమైనదీ...... 

తరతరాలలో తరగని క్రీస్తు తత్వమది 

ప్రేమ తత్వమది - క్రీస్తు ప్రేమతత్వమదీ..||మదుర||