Kraisthavulara lendi enadu | క్రైస్తవులారా లెండి యీనాడు

130

Christians awake, salute the happy morn

క్రైస్తవులారా! లెండి యీనాడు - క్రీస్తు పుట్టెనంచు పాడుఁడి; 

ప్రసన్నుఁడైన తండ్రి ప్రేమను - ఆసక్తిపరులై కీర్తించుఁడి 

క్రీస్తేను మానవాళితోడను - నశింపవచ్చెనంచు పాడుఁడి.

2. దేవుని దూత గొల్లవారికి - ఈ రీతిగాను ప్రకతించెనుః 

‘ఈ వేళ మహా సంతోషంబగు - సువార్త నేను ఎరిగింతును. 

దావీదు పట్నమం దీదినము - దైవరక్షకుఁడు జన్మించెను.’

3. త్వరగానే ఆకాశ సైన్యము - హర్షించుచు నీలాగు పాడెను 

‘సర్వోన్న తాకాశంబునందుండు - సర్వేశ్వరునికి ప్రభావము 

నరులయందు సమాధానము - ధరణిలో వ్యాపింపనియ్యుఁడు’

4. పరమతండ్రి దయారసము - నరులకెంతో నాశ్చర్యము 

నరావతారుఁడగు దేవుఁడు - నిరపరాధిగాను జీవించి 

నిర్దోషమైన త్రోవ చూపించి - విరోధులన్ ప్రేమించుచుండెను.

5. శ్రీ మాత సైన్యముతో మేమును - వాద్యములు వాయించుచుందుము;

ఈ దినమందు నుద్భవించిన - యా దివ్యకర్తను వీక్షింతుము; 

సదయుఁడైన యేసు ప్రేమను - సదా స్తుతించి పాడుచుందుము.

         - జాన్ భైరొం 

అను: బర్నర్డ్ లూకాస్