ఉదయారాధన
రా – బిలహరి, తా – అట
సకల జగజ్జాల కర్తా - భక్త - సంఘ హృదయ తాప హర్తా యకలంక గుణమణి - నికర పేటీ కృత - ప్రకట లోకచయ - పరమ దయాలయ ||సకల||
1.నాదు నెమ్మది తొలఁగించుచుఁ - బ్రతి - వాదు లీమెయి నెంతో పాదుకొన్నారు - బాధలందైనను - సాధులఁబ్రోవ న - నాది యైనట్టి నీ - వాధారమై యుండ ||సకల||
2.దినకృత్యములఁ గష్టమంత - చీఁక - టిని నే నీ కడ భక్తి - మనవిజేయ - వినుచు నా కష్టము - వెస నష్టముగఁ జేయ - ఘనముగ నాయందుఁ గరుణఁ జేసితివి ||సకల||
3.తమ కాపు నన్ను కాపాడఁగ - నేను - తమ నిద్రఁ బొందితిఁ - దనివిఁ దీరఁ = కొమ రొప్ప మేల్కొన్నఁ గూలిన మృత్యు భ - యముబొంద నా డెంద - మందు నెల్లప్పుడు ||సకల ||
4.రాతిరి సుఖనిద్ర జెందఁ - జేసి - రక్షింప నను నీకె - చెల్లు - ప్రాతస్తుతుల్ జేయం - బగలు - జూచు తెల్వి - ఖ్యాతముగా నాకుఁ - గలుగఁజేసితివి ||సకల||
– విలియం డాసన్
No comments:
Post a Comment