Naadu vachinatlu gaadu నాడు వచ్చినట్లు గాదు

228

క్రీస్తు యొక్క రెండవ రాకడ - అవిశ్వాసుల భయము 

(చాయ: హృదయమనెడు)

రా - ముఖారి, తా - ఆది 

 

నాడు వచ్చినట్లు గాదు - నేఁడు వచ్చుట = తేరి - చూడరాదు క్రీస్తు నింకఁ - జొత్తు మెచ్చుట ||నాఁడు||

1.మొదట గొఱ్ఱెపిల్ల రీతి - నొదిగి వచ్చెఁగా = యిపుడు - కొదమ సింహమయ్యె మనకు - గుండె దిగులుగా ||నాఁడు||

2.దాసునివలె దొల్లిఁ - జూచినాముగా = యిపుడు - దోసము లెంచి దండింప - దొరయైనాఁడుగా ||నాఁడు||

3.ఏ తట్టు బోయిన మనకు - నెదురు వచ్చెఁగా = పిడుగు - రీతి వాని యుగ్రమైన - దృష్టి హెచ్చఁగా ||నాఁడు||

4.కొండ వండ లందు డాగి - యుండలేముగా = వాని - యండనుండి మండు నగ్ని - యదిగో వచ్చెఁగా ||నాఁడు||

5.దిక్కుగా నున్నట్లు నితర - దేవతలను నమ్మి వట్టి = పుక్కిటి - పురాణములకుఁ బోయి చెడితిమి ||నాఁడు||

6.వీధుల బోధించు వారి వినక పోతిమి యిపుడు బాధఁ బొంది నరకాగ్నిలోఁ బడఁబాలైతిమి ||నాఁడు||

- పురుషోత్తము చౌదరి 

Ohoho maa yannalara ఓహోహో మా యన్నలారా

231

క్రీస్తు శరణు గోరుట 

(చాయ: నాడు వచ్చినట్లు గాదు) 

రా - ముఖారి, తా - ఆది 

 

ఓహోహో మా యన్నలారా - యుద్యోగింపండి = యిపుడే - ¹త్రాహి త్రాహి యనుచుఁ క్రీస్తుని - దయను గోరండి ||ఓహో||

 

1.అంత్యదినము నాటి బాధ - లాలకించండి = నరక - ప్రాంతమునకుఁ బోకమునుపే - ప్రభువును వేడండి ||ఓహో||

 

2.మింట ప్రభువు ²తేజోమయమౌ - మేఘారూఢుండై = యగ్ని - మంట వీను సింహాసనము - నంటి కూర్చుండు ||ఓహో||

 

3.అంధకారమగును సూర్యుఁడా దినమందు = ³కుముద - బాంధవుడు మిగుల రక్త - వర్ణము నొందును ||ఓహో||

 

4.కడు భీతిగ సర్వసృష్టి - కంపించుచు నుండున్ = భూమి ⁴కడలి ⁵యభ్రము తాపమున - కరిగి పోవుచుండున్ ||ఓహో||

 

5.నరక ప్రచండాగ్ని గుండ - మరదై గన్పడును = దానిఁ - జొరక మరి యే తెరువు పాపా - త్ములకు గలుగును ||ఓహో||

 

6.ప్రేమతో నడిగెదను నా - ప్రియబంధువులార = మీర - లామహా దినమందున దిరమై - యట నిలువంగలర ||ఓహో||

 

7.కామక్రోధ లోభమోహ - గర్వగుణములను = మీరు - ప్రేమించి చేసితిరి గద - పెక్కు విధములను ||ఓహో||

 

8.కల్లలాడుచుడి ప్రొద్దుఁ - గడుపుచుంటిరే = యింక - చిల్లర వేల్పుల పూజ - చేయుచుంటిరే ||ఓహో||

 

9.ప్రకటంబుగ నైన మరి ⁶గు - ప్తస్థల మందైన - చేయు - సకల క్రియలు ప్రభువున కెఱుక - సంపూర్ణముగాను ||ఓహో||

 

10.జాతి గోత్రమడుగఁ బోడు - సర్వేశ్వరుండు = క్రియల - రీతి మనసు మాత్రమె విచా - రించు ప్రభువతఁడు ||ఓహో||

- పురుషోత్తము చౌదరి

--------------------------------------

¹రక్షించుము. ²తేజోవికారము. ³చంద్రుడు. ⁴సముద్రము. ⁵ఆకాశము. ⁶రహస్యమైన.

Vinarayya narulaara | వినరయ్య నరులారా

155 

క్రీస్తు వాక్యము పతిత పావనము

(ఛాయ: మన మొదట తల్లిదండ్రుల్)

రా – శంకరాభరణము,  తా – త్రిపుట

   వినరయ్య నరులారా - విశ్వాసమున క్రీస్తు - విమల బోధ = పాప మనుజుల కెల్ల పా - వన జీవనము సేయు - వసుధ మీఁద ||వినరయ్య||

1.పాపాత్ములను పశ్చా - త్తాపము పడుఁడంచు - బ్రభువు దెల్పెన్ = దన దాపు గోరినవారిఁ - గాపాడుటకుఁ దానే ¹దక్షుడయ్యెన్ ||వినరయ్య||

2.భారాక్రాంతులైన - పాపులఁ - దనుఁ జేరఁ - బ్రభువు పిల్చెన్ = శ్రమలు - దూరంబుఁ జేసిత - ద్దురితముల్ బాపి సం - తోష మియ్యన్ ||వినరయ్య||

3.అనుమానింపక నెవ్వ - రైన వచ్చినఁ ద్రోయ - ననుచుఁ బల్కెన్ = పెక్కు - మనుజుల కొఱకు జీ - వన మియ్యనే వచ్చి - తనుచుఁ దెల్పెన్ ||వినరయ్య||

4.మనసారదేవునిన్ - మానక ప్రేమింపు - మనుచునేర్పెన్ = ఇంకఁ దన పోల్కె - నొరులకు దాను బ్రేమింపగ దనర దెల్పెన్ ||వినరయ్య||

5.తన శిష్యులకు నైక్య - మును బ్రేమించుట కాజ్ఞ - లొనర నిచ్చె = నెంతో ఘన - సత్ప్రభువు కాళ్లు - గడిగి భక్తులచోట - వినతుఁ డయ్యెన్ ||వినరయ్య||

                        – పురుషోత్తము చౌదరి

--------------------------------------------

¹సమర్దు. 

Evaru bhagyavanthu laudu| ఎవరు భాగ్యవంతు లౌదు

154  

ధన్యతలు

రా – యదుకుల కాంభోజి,  తా – ఆదీ

ఎవరు భాగ్యవంతు లౌదు - ¹రవని లోపల = మోక్ష - ²వివరమైన క్రీస్తు బోధ - చెవులొగ్గి వినువారికన్న ||నెవరు||

1.³కవులు లాభ ⁴మరసి చేయు - కపట మంత్రముల్ = విధులు - ⁵దవులఁ బోవఁ దరిమి యేసు ⁶తత్వముఁగొనువారికన్న ||నెవరు||

2.దీనమానసుల కట్టి ⁷యుప - దేశ మిచ్చెను = దివ్య - మైన మోక్ష రాజ్యము వారి దౌనటంచు - ప్రభువు తెల్పె ||నెవరు||

3.⁸వృజినములకై దుఃఖించెడి - సుజను లెవ్వరో = వారు - నిజముగ నోదార్పుఁ బొంది నిత్య ⁹సంతోషింతు లని తెల్పె ||నెవరు||

4.శాంతి నీతికరుణల యందా - సక్తిగల వారు = భూస్వతంత్రులై పరి తృప్తినొంది - దయఁ బడసెద రని ప్రభువు తెల్పె ||నెవరు||

5.పరిశుద్ధ హృదయులు ¹⁰పరా - త్పరునఁ జూతురు = సర్వ - నరుల సమాధానపరచు - నరులె పరమ జనకుని సుతులు ||నెవరు||

6.నీతికొర కాపద నొందెడి - నిశ్చ లాత్ములు = వారు - ¹¹ఖ్యాతిగఁ బర లోక రాజ్య - ఘన సౌఖ్యము లెల్లను ¹²బడయుదురు ||ఎవరు||

                          – పురుషోత్తము చౌదరి

--------------------------------------------------

¹భూమిపైన. ²స్పష్టమై. ³కవిత్వము చెప్పువారు. ⁴విచారించి పాపములకై. ⁵దూరముగ. ⁶వాస్తవము. ⁷బోధ. ⁸పాపములకై. ⁹సంతోషింపచేయబడువారు. ¹⁰దేవుని. '¹¹ప్రసిద్ధిగా. " ¹²పొందుదురు.

Andamaina kreesthu kadha | అందమైన క్రీస్తు కథ

151  

పుట్టిగ్రుడ్డికి చూపునిచ్చుట

రా - నవరోజు,    తా - త్రిపుట

     అందమైన క్రీస్తు కథ మీ - రాలింపరయ్య ||అందమైన||

1.పొందుగ శిష్యులతో యేసు - పోవుచుండు మార్గమందు - ముందుగ ¹వీక్షించి రొక్క పు ²ట్టంధకుని = అందుఁ గొందఱు శిష్యు - లాత్మలో భావించి - రెందు కీతఁడు ³చీక - య్యెను దీని విధమేమో - డెందములనుఁ గల్గు - సందియములు వీడ - విందమనుచు లోక - ⁴వంద్యుని సంతతా = నందుని మనుజ - ⁵నందనుని నడిగిరప్పు ||డందమైన||

2.చీకువాఁడై జన్మించుటకుఁ జేసెనా దుష్కృతము నితఁడు - లేక వీని ⁶జననీ జనకు - లేమి చేసిరో = యీ కారణముఁ దెల్పు - మోకర్త యిపుడీవు - మాకంచు తను వేఁడ - లోకేశ్వరుండు ని - రాకారుఁ డితనియం - దీకార్యములుఁ జూపఁ - బ్రాకటముగఁ జేసెఁ - గాక వేరొకవిధము = లేకున్నదని తెల్పి - చీకుఁ బ్రోవఁ దలంచె ||నందమైన||

3.బురద వాని కన్నులందుఁ - ⁷గరములతోఁ ⁸జమిరియొక్క చెఱవులో ⁹బ్రాక్షాళించుటకు - సెలవిచ్చెఁ బ్రభువు = బిరబిర నయ్యంధుఁ - డరిగి యేసుని పల్కుఁ - దిరముగ మదినమ్మి - ¹⁰సరసిలో మునిఁగి సుం - దరమైన నేత్రముల్ - ధరియించి యానంద - భరితుడై చనుదెంచు - ¹¹తఱివాని పొరుగింటి = నరులబ్బురముగఁ జూ - చిరి మార్మోమగువాని ||నందమైన||

4.చూపులేని గ్రుడ్డివానిఁ - జూడఁ గలుగఁజేయువాఁడే - పాపాంధకార ¹²మగ్నుల నా - ప్రభువే రక్షించు - పైపైని మనకన్ను - చూపు చూపది గాదు - లోపలి కనుగుడ్డి - యైపోయి యున్నది - యాప ¹³త్పరంపర - లోఁ బొరలుచున్నాము - కాపాడుమని యేసు - శ్రీ పాదములుఁ బట్టి = చూపు లోపలి చూపుఁ - జూచి యానందింత ||మందమైన||

                     – పురుషోత్తము చౌదరి

---------------------------------------------

¹చూచిరి. ²గుడ్డివాని. ³గుడ్డి. ⁴స్తోత్రింపబడిన. ⁵కుమారుని. ⁶తలిదండ్రులు. ⁷చేతులతో. ⁸వ్రాసి. ⁹కడుగుకొనుటకు. ¹⁰చెఱవులో. ¹¹సమయమున. ¹²ముణిగిన. ¹³సమూహము.

Idhigo naa shishuyulara | ఇదిగో నా శిష్యులారా యెఱుక

224  

క్రీస్తు కడపటి హెచ్చరిక

రా - ముఖారి,  తా - ఆది

ఇదిగో నా శిష్యులారా - యెఱుక లుంచుఁడి = మోక్ష -  ¹సదనమున కేను బోదు - సంతోషించు(డి ||ఇదిగో||

1.యెరూషలేమందుండి మీ - రెదురు చూడుఁడి -  మీపైఁ - బరిశుద్ధాత్మయు దిగివచ్చి - పనులు దెల్పును ||ఇదిగో||

2.దిక్కులేనట్లు మిమ్ము - దిగనాడి పోను = మీతో - మక్కువైయుండఁ బరిశు - ద్ధాత్మను బంపెదను ||ఇదిగో||

3.నిర్యాణమున మీకొరకై నెలవులు గల్పింతు = నాతో - సర్వకాలము నిత్య - సామ్రాజ్యము నేల ||నిదిగో||

4.ఒకరితో నొకరు ప్రియము - లొప్పి యుండుఁడి =  నాదు సకలాజ్ఞలందు నిదియె - సార మనుకొనుఁడి ||యిదిగో||

5.ఏదైననా పేరిటమీ - రించుక వేఁడినను = మీకు - మోదముతోడదాని - ముందే చేయుదును ||ఇదిగో||

6.ఉల్లము లందుఁ గలఁత - లెల్ల విడువుఁడి = నేను -  మళ్లి వచ్చెడి విధము - మరువకుండుఁడి ||యిదిగో||

                 – పురుషోత్తము చౌదరి

Sudathulara mee richhota | సుదతులార మీ రిచ్చోట

215 

క్రీస్తు పునరుత్థానము

రా - మధ్యమావతి, తా - త్రిపుట

సుదతులార మీ - రిచ్చోట నెవ్వరి -  వెదుకుచు నున్నారు = మృదువుగాను - జీ - వించు వాని పెద్ద - నిదుర బోయినటు - లెదలందు భావించి ||సుదతులార||

1.ఇచట లేఁడు లేచి - యున్నాఁడు ప్రభు క్రీస్తు - యేసు స్వతంత్రుఁడై = ప్రచురంబుగఁ దన - పాట్లు లేచుటయును - వచియించె గలిలయ్య - వర దేశమున మీతో ||సుదతులార||

2.మనుజ కుమారుఁ డె - క్కుడు పాపిష్ఠులచేత - మరణ మొందుట సిల్వ పైఁ = దనకుఁ దానె మూఁడవ -  దినమందు లేచుట - యును దెల్పెఁ గద మీరు - వినుచుండఁగఁ దొల్లి ||సుదతులార||

3.ఎదలలోన జ్ఞాప - కము చేసికొనుఁడింక - యేసు తెల్పిన మాటలు = ముదముతో జీవముఁ - గని లేచె నను వార్త - సుదతు లాలకించి - రది నిక్కముగఁ దోఁచఁ ||సుదతులార||

               – పురుషోత్తము చౌదరి

Apu darchakadhu luppongiri | అపు డర్చకాదు లుప్పొంగిరి

185

సిలువ

(ఛాయ: వచ్చి గాబ్రియేలు)

రా - ఆనందభైరవి, తా - త్రిపుట

అపు డర్చకాదు లుప్పొంగిరి - ప్రభుని - విపరీతముగఁ జంపసాగిరి = కృపమాలినట్టి పా - పపు జిత్తమున నిష్ఠు - రపు సిల్వమానిపైఁ - బ్రభుని వేయుట కొప్పి ||రపు డర్చ||

1.యెరూషలేమను నూరి బైటను - దుఃఖ - కరమైన కల్వరిమెట్టను = పరమ సాధుని సిల్వ - పైఁ బెట్టి తత్పాద - కరమధ్యముల మేకు - లరుదుగ దిగఁ గొట్టి ||రపు డర్చ||

2.చిమ్మె నిమ్మగు మేని రక్తము దాని - నమ్ము వారల కెంతో యుక్తము = నెమ్మోము వాడి కెం - దమ్మి పూవలె మస్త - కమ్ము వేటులను ర - క్తము జారి కనుపట్టె ||నపు డర్చ||

3.గడి దొంగ లిరువురుని బట్టిరి - ప్రభుని - కుడి యెడమలను సిల్వఁ గొట్టిరి = చెడుగు యూదులు బెట్టు - కడు బాధలను మరియ - కొడు కోర్చుకొని వారి - యెడ దయ విడఁడయ్యె ||నపు డర్చ||

                   - పురుషోత్తమ చౌదరి

Mangalame yesunaku | మంగళమే యేసునకు

073

క్రీస్తునకు స్తోత్రము

రా - తోడి, తా - ఆది

 

మంగళమే యేసునకు - మనుజావ తారునకు = శృంగార ప్రభువునకు - క్షేమాధిపతికి ||మంగళ||

 

1.పరమ పవిత్రునకు - వరదివ్య తేజునకు = నిరుపమా నందునకు - నిపుణ వైద్యునకు||మంగళ||

 

2.దురిత సంహారునకు - వర సుగుణో దారునకు = కరుణా సంపన్నునకు - జ్ఞానదీప్తునకు ||మంగళ||

 

3.సత్య ప్రవర్తునకు - సద్ధర్మ శీలునకు = నిత్య స్వయంజీవునకు - నిర్మలాత్మునకు ||మంగళ||

 

4.యుక్త స్తోత్రార్హునకు - భక్త రక్షా మణికి = సత్య పరంజ్యోతియగు - సార్వభౌమునకు||మంగళ||

 

5.నర ఘోర కలుషముల - నురుమారంగ నిల = కరుదెంచిన మాపాలి - నర రక్షకునకు ||మంగళ||

 

6.పరమపురి వాసునకు - నర దైవ రూపునకు = పరమేశ్వర తనయునకు - బ్రణుతింతుము నిన్ను ||మంగళ||

- పురుషోత్తము చౌదరి

DOWNLOAD MP3 SONG HERE 👇

Parishudhi Parishudhi | పరిశుద్ధి పరిశుద్ధి పరిశుద్ధి యని

504

పరిశుద్ధుల ప్రకాశత

రా -మారువ (చాయ:నీ కన్న యిక వేరె) తా - త్రిపుట

పరిశుద్ధి పరిశుద్ధి - పరిశుద్ధి యని వినఁ - బడు పుర మదిగో పద పదరే ప్రియులారా = పరమేశ్వరుని చేతఁ - బరిపాలనముఁ గల్గి - చిరమై - భాసురమై - సు - స్థిరమై సుందరమైన ||పరిశుద్ధి||

1. ¹రవితోను ²కుముదబాం - ధవుతోను మఱి దీప - ³చ్ఛవితోను దాని కవ - సర మింతలేదు =  ⁴అవిరతమునఁ గ్రీస్తుఁ - డందుండుఁ ⁵ప్రభతో  ⁶సం - స్తవమై ⁷వైభవమై యు - త్సవమై వెల్గుచు నుండుఁ ||పరిశుద్ధి||

2. గొదయైన మఱియే యా - పదయైన దగయైన - మొదలే లేకుండు న ప్పుర వాసు లందు = మృదు జీవోదకము ల - ర్మిలి నిరంతర మిచ్చు - గుదురుగ నెదురుగఁ - గూర్చుండి యువరాజు ||పరిశుద్ధి||

3. ప్రభు కృపాసనములో పలినుండి ప్రవహించి - శుభమైన నది యుండి సుఖమిచ్చు నచట = సుభయ తీరములందు - నుండు వృక్షములు సౌ - రభదీప్త శుభములై - రక్షా ఫలము లిచ్చు ||పరిశుద్ధి||

4. జననంబు మరణంబు - సంసార సుఖబాధ - లనుభవించుట గల్గ - దా పురమునందు = మును నీతి కొఱ కాప - దను బొందు తనవారి - కనునీ ళ్లన్నియు దుడుచు - మన దేవుఁ డందుండి ||పరిశుద్ధి||

5. వెలకంద రాని ని - శ్చలమైన ఘన జీవ -  విలపత్కిరీటము - ల్గల వప్పుర - మునఁ = బిలిచి నప్పుడే విభుని - పెండ్లి విందున కేగు - కుల బంధువులకు ని - చ్ఛల నిచ్చు దేవుఁడు ||పరిశుద్ధి||

– పురుషోత్తము చౌదరి

________________________________

¹సూర్యుడు. ²చంద్రుఁడు. ³శాంతి. ⁴శాశ్వతముగా. ⁵శాంతి ⁶స్తోత్రములతో నిండినది. ⁷భాగ్యముగలది. ⁸ప్రకాశమానమైన.

DOWNLOAD MP3 SONG HERE 👇

Popove Yo Lokama | పోపోవే యో లోకమా

484

లోక విసర్జనము 

రా– బిళహరి,తా -త్రిపుట

(చాయ: ఎందుకు మరచితివి)

పోపోవే యో లోకమా - చాలిఁకఁజాలు - నీ పొందు మే మొల్లము - పాపేచ్ఛలున్నంత - సేపు నొపఁగ రాని - వేపాట్లు బెట్టితి - వీపట్ల నను వీడి ||పోపోవే||

1. సకలేంద్రియ వ్యాప్తులు - నీ సేవ బా - యక చేయు దివసంబులు = ఇం క దీరి పోయె భ్రా - మికము జూపకు మిపుడు - ప్రకటమ్ముగఁ గ్రీస్తు - పద - భక్తి మా కబ్బెఁ ॥బోపోవే ॥ 

2. నీ రాజు బహుమానము - గంటిమి ఘోర - నరకాంబుధి తీరము = దారి దొలఁగి నిన్ను - జేరి దుఁఖముల వే - సారి తిప్పుడు క్రీస్తు - సదయుఁడై ననుఁబిల్చెఁ ॥బోపోవే ॥

3. ఎఱ జూపి బలు మీనము - బట్టెడు వాని - కరణి వస్తుల రూపము = బొరి జూపి లోభము - బుట్టించి ననుఁబట్టి - పరిమార్చితివి యింక - యేమున్నది చాలుఁ ॥ బోపోవే ॥ మరి 

4. ఎండమావుల తేటలు - నీ విచ్చెడు - దండైన యిహ సుఖములు - కండ గర్వముచే నీ - యండఁ జేరితిఁగాని - నిండు నెమ్మది దయా - నిధి క్రీస్తు డిపు డిచ్చుఁ ॥బోపోవే ॥

- పురుషోత్తము చౌదరి

DOWNLOAD MP3 SONG HERE 👇

Rare Mana Yesu Swamini | రారే మన యేసు స్వామిని

83

క్రీస్తును చూడ రండి

రా – శంకరాభరణము, తా – ఆది

                          

రారే మన యేసు స్వామిని - జూతము కోర్కె - ¹లూర ప్రియు లారా ²పేర్మిని = ³గూరిమి భక్తులఁ - ⁴విందట భూరిద ⁵యామృత - సారము లొలికెడు - ¹చారు కటాక్ష ²వి - శాలేక్షణుఁడఁట - ³నారకులగు ⁴నర - నారీజనులకు - ⁵దారక మొసఁగను - దానె పిలుచునఁట - ⁶దారుణ పాప మ హారణ్యమునకుఁ - ⁷గారుచిచ్చు గతి - గన్పడువాఁడట - ఘోర దరిద్రతఁ - గూల్చెడివాఁడట = సారం బగు తన - సభకు ⁸మకుటమఁ ట ||రారే||

1. ⁹పతిత పావనమౌ వేల్పఁట - అనాది దేవ - సుతుడై యిలఁ జేరి నాఁడఁట = ¹⁰సతతము కడు ¹¹దురి - ప్రతి దేశమునకు ¹²హితభాస్కరుఁడఁట - ¹³అతులిత ¹⁴మోక్షో - న్నత గుణగణుఁడఁట ¹⁵కుతలంబున ¹⁶న - ఛతి రహితంబగు పతితులఁ గావను - మృతుడైనాఁ డఁట - అతిపుణ్య ¹⁷తను - క్షత శోణితమును - ¹⁸వ్రతముగ సిలువను - నతడొసంగెనఁట - మృతిని జయించుచు - బ్రతికి లేచెనంట మతి నమ్మిన మన - గతి యితఁడేనఁట || రారే||

2.తుదలేని మహిమవాఁడఁట - తనుఁగొల్చు సాధు - హృదయుల సొమ్ము మూటఁట = చెదరిన గొఱ్ఱెల - ¹⁹వెదకవచ్చెనంట - చిదురు పలగు - జన హృదయము లన్నిటఁ - బదిలముగా నె - మ్మది నిడువాఁడఁట - ²⁰నదితట ²¹మఠ ²²జన - వదనముల ²³స - మ్మద శుభవార్తనుఁ - బలికిన వాఁడఁట - సదయత ²⁴నంధుల - ²⁵కక్షుల ²⁶నిడెనఁట - వెదకి ²⁷బధిరులకు - ²⁸వీను లొసఁగె నంట - ²⁹సదమల ³⁰మోక్ష - ప్రదుఁడగు విభుఁడఁట = యిదిగో మనకిత - డేలినవాఁడఁట || రారే ||

- పురుషోత్తము చౌదరి

______________________________

¹వృద్ధిపొందినట్లు.  ²ప్రేమచేత.  ³ప్రేమచేత ⁴బంధువుఁడు. ⁵అమృతము యొక్క రసము. ¹సుందరమైన. ²పెద్దనేత్రములుగలవాఁడు. ³నరకసంబంధులు. ⁴పురుషుల స్త్రీలునగు. ⁵ఆధారము. ⁶భయంకరమైన. ⁷అడవినిప్పు. ⁸కిరీటము. ⁹పాపులను పవిత్రముచేయు.¹⁰నిత్యము. ¹¹పాపమనెడు చీకటితో గూడుకొనిన. ¹²అనుకూలమైన సూర్యుడు.¹³సమానములేని. ¹⁴మోక్షమకంటె ఉన్నతమైనగుణ సమూహము గలవాఁడు. ¹⁵భూమియందు. ¹⁶సడతిలేని. ¹⁷శరీరముయొక్క గాయపు రక్తమును. ¹⁸పట్టుదలగా. ¹⁹ముక్కలు. ²⁰నదీతీరములయందు. ²¹గుళ్లలో.  ²²గ్రామములలో. ²³సంతోషముతో. ²⁴గ్రుడ్డివారికి. ²⁵కన్నులు. ²⁶ఇచ్చెను. ²⁷చెవిటివారికి ²⁸చెవుడు ²⁹పరిశుద్ధమైన. ³⁰మోక్షమిచ్చువాఁడు.

Vandanamayya Yesu Neeku | వందనమయ్యా యేసు నీకు

89

యేసునకు వందనము

రా–శంకరాభరణము (చాయ:ఉదయించినాడు) తా-అట

వందనమయ్యా - యేసు నీకు - వందనమయ్యా - మా కోరిక - లందియ్య వయ్యా = వందనమయ్య నీసుందర పాదార - విందములకు భక్తి - వినతులు గావించు = సందియంబులులేని పరమానందమున నీయందు డెందము - పొందుపడఁ జేయవె యెహోవా - నందనా ¹పాపేంధనాగ్ని ||వందనమయ్యా||

1.నర దైవత్వములు  రెండుగూడి - పరి పూర్ణమైన - దేహాత్మలు - ధరియించి యందు - లేశంబయిన - దురితంబులేని - యవతారము - నెరవుగా దాల్చిి = ధరణికి నేతెంచి ²నిరయారులగు సర్వ - నరుల రక్షింప నీ కరుణా ప్రవాహముు = విరివిగా పరుగెత్తఁ జేయుచు - విమలమగు నీ ప్రాణరక్తము - లరుదుగా సమర్పణము చేసియు - తిరిగి లేచితివో మహా ప్రభూ || వందనమయ్యా ||

2.పుణ్యమందు - నమ్ముకొనెడి - యే పాపియైన - తక్షణమున - శాపంబుఁ బాసి - ³త్రాణగలిగి - నీ ⁴సజ్జనుండు - కృపవానిని - కాపాడుచుండు = దీపించు భవ దీయ దివ్య వాగ్దత్తంబు - లాపత్పరంపరల కడ్డుపడుచు నుండి = నీ పయిందన భారమెల్లనుు -  మోపి యోపికనుండ నేర్చిన - పాపి పుణ్యండగుచు నాత్మను - ⁵భవ్య సుఖ ⁶మఖిలంబుఁ బడయును || వందనమయ్యా||

3.శమదమ ప్రేమ - కృపా వినయ - సద్గుణము లనెడి - భూషణముల - నిమిడి యున్నట్టి - తనువు దాల్చి - క్రమముగానందు - దైవత్వము - కనుపఱచినావు = విమలోపదేశముల్  వివిధంబుగా శిష్య - సముదయమునకు నుత్తముగా బోధించి - యమిత పాపహరంబునకు భువినవతరించిన మేను సిలువను - శ్రమను మృతికల్పించి మృత్యువుఁ - జంపి జీవించిన మహాత్మా ||వందనమయ్యా||

- పురుషోత్తము చౌదరి

____________________________

¹కట్టెలకు నిప్పువంటివాడా. ²నరపాత్రులు. ³బలము. ⁴సమీపము. ⁵శుభమైన . ⁶సకల.

Paralokamuna nundu deva | పరలోకమున నుండు దేవ

25

రక్షణ కొరకు కృతజ్ఞత

రా – జంఝూటి,  తా – ఏక

పరలోకమున నుండు దేవ - నీ పదముల కొనరింతు సేవ = దురితంబులకు నేను -  వెఱచి యున్నానని - కరుణించి నీ సుతుని - ధర కంపితివి గాదా = అరయఁగా నీ ప్రేమ యింతన - దరము గాదో పరమ జనక - మరణ పర్యంతంబు నిను నే - మరువఁ జాలను - వరకృపా నిధి || పరలోక||

1.యేసుక్రీస్తుని దయసేయ కున్న - మోస మొందెద నెందుకన్న - దోసంబులకు నేను - దాసుండనై ప్రతి - వాసరంబును నీదు - భాసు రాణాలు విడిచి = వేసటలు గల నరకమునఁ బడ -  ద్రోసిన నది న్యాయమౌ గద - నా సునాధా పేర్మిచేతను - నీ సుతుని నంపించినావు ||పరలోక||

2.ఎన్నరాని మహిమ నుండి - యేసు - నన్నుఁ బాలింప నేతెంచి = యెన్న శక్యము గాక - యున్న పాపము లన్ని - ఛిన్నాభిన్నము జేసి = నన్ను సమ్మతిపరప - నన్న యగు నా రక్షకుండు - తన్ను తానర్పించి వెండియు - నున్నతుండై లేచి యిప్పుడు - సన్నిధానం బొసఁగె నాకుఁ ||బరలోక||

                         – పురుషోత్తము చౌదరి

Mangalamu Badare | మంగళము బాడరె

72                క్రీస్తునకు మంగళార్చన 

                 (చాయ: గీతములు పాడరె ) 

రా - బిలహరి                                 తా - త్రిపుట

మంగళముఁ బాడరె – క్రీస్తుకు జయ – మంగళముఁ బాడరె – యో ప్రియులారా – మంగళముఁ బాడరె = మంగళముఁ బాడి దు – స్పంగతిని వీడి ప్రభు - ¹సంగులను గూడి మదిఁ - బొంగుచుఁ ²జెలంగుచును || మంగళము||

1. రాజులకు రాజని – దూతలచేత పూజఁగొనువాఁడని – తేజమున సూర్యునికి – దీప్తి నిడు సద్గుణ వి – ³రాజితుని సాధుజన – రక్షకుని పక్షముగ || మంగళము ||

2. కరుణ గల వాఁడని – పాపులఁ బ్రోచు – బిరుదుఁగొనినాఁడని = మరణమును దానిఁ ⁴బరి – మార్చు ఘన శక్తిగల పరమ గురుఁడితఁడె మన పాలి వాఁడని శుభ || మంగళము ||

3. సంగీతము పాడుచు – సువార్త ప్ర – సంగములఁ గూడుచు = ⁵నింగికిని భూమికిని – నిత్యముగ నేలఁ దగు - శృంగారపు రాజునకు – క్షేమ మగు ఆమేనని || మంగళము ||

                                       - పురుషోత్తము చౌదరి

_____________________________________

¹ప్రభువుతో నున్నవారిని. ²సంతోషించుచు. ³ప్రకాశించువానిని. ⁴నశింపజేయు. ⁵ఆకాశము

Unna paatuna vachu | ఉన్న పాటున వచ్చు

315

ఉన్న విధముననే నీ యొద్దకు వచ్చుచున్నాను

రా - ముఖారీ, తా - త్రిపుట

ఉన్న పాటున వచ్చు - చున్నాను నీ పాద - సన్నిధి కో రక్షకా = యెన్న శక్యము గాని పాపము - లన్ని మోపుగ వీపు పైబడి - యున్న విదె నడలేక తొట్రిలు - చున్న వాడను నన్ను దయ గను ||యున్న||

1.కారుణ్య నిధి యేసు - నారక్షకా నీ శ - రీర రక్తము చిందుట = భూరి దయతో నన్ను నీదరి - జేర రమ్మని పిలుచుటయు ని - ష్కారణపు నీ ప్రేమ యిది మరి - వేరే హేతువు లేదు - నాయెడ ||యున్న||

 

2.మసి బొగ్గువలె నా మా - నస మెల్ల గప్పెదో - ష సమూహములు మచ్చలై = ¹అసితమగు ప్రతిడాగు తుడువను - ²గసటు గడిగి పవిత్ర పరపను - ³నసువు ⁴లిడు నీరక్తమే యని - ⁵మసల కిప్పుడు సిలువ నిదె గని ||యున్న||

3.వెలపట బహు యుద్ద - ములు లోపటను భయము - కలిగే నెమది దొల గెను = పలు విధము లగు ⁶సందియంబుల - వలన బోరాటములచే నే - న లసి యిటునటు గొట్టబడి దు - ర్బలుడనై గాయములతో నిదె ||యున్న||

4.⁷కడు బీదవాడ ⁸నం - ధుడను దౌర్భాగ్యుడను - జెడిపోయి పడి యున్నాను = ⁹సుడివడిన నా మదికి స్వస్థత - జెడిన కనులకు దృష్టి భాగ్యము - బడయవలసిన వన్ని నీ చే - ¹⁰బడయుటకు నా ¹¹యొడ యుడా యిదె ||యున్న||

5.నీ వాగ్దత్తము నమ్మి - నీపై భారము పెట్టి - జీవ మార్గము గంటిని = ¹²కేవలంబగు ప్రేమచేతను - నీవు నన్ను క్షమించి చేకొని - ¹³భావశుద్ధి ¹⁴నొనర్చి సంతోషావసరముల నిడుదువని యిదె ||ఉన్న||

6.దరిలేని యానంద - కరమైన నీప్రేమ - ¹⁵తరమే ¹⁶వర్ణన చేయను = ¹⁷తెరవు కడ్డంబైన యన్నిటి- విఱుగ గొట్టెను ¹⁸గాన నే నిపు ¹⁹డరుదుగా నీ వాడ నవుటకు - మఱి నిజము నీవాడ నవుటకే  ||యున్న||

                           - పురుషోత్తము చౌదరి

_________________________________

¹నల్లవి. ²మైల. ³ప్రాణములు. ⁴ఇచ్చుట. ⁵ఆలస్యము చేయక. ⁶సందేహములు. ⁷మిక్కిలి. ⁸గ్రుడ్డివాడను. ⁹సొమ్మసిల్లిన. ¹⁰పొందుట.  ¹¹కర్త. ¹²ముఖ్యమైన. ¹³మనస్సు శుచిగా. ¹⁴చేసి. ¹⁵శక్యమా. ¹⁶స్తుతి. ¹⁷మార్గము. ¹⁸కనుక. ¹⁹ప్రియముగా.

DOWNLOAD MP3 SONG HERE 👇

Yerigi yerigi chedipothivi | ఎఱిగి యెఱిగి చెడిపోతివి

319

ఆత్మ వంచన

రా - ధన్యాసి, తా - ఆది

ఎఱిగి యెఱిగి చెడిపోతివి మనసా - యిక నీ దిక్కెవ్వరు చెపుమా = దురితం బిదిసచ్చరితం బిది యని - యెరుక సరకు గొన - కేమియు నీ ||యెఱిగి||

1.ఇది దేవుని దయ యిది క్రీస్తుని ప్రియ - మిది విమలాత్ముని గుణ మనుచు = ఎదలో ననుభవ మెఱిగి మరల దు - ర్మదమున దుష్కృత పదమున బడితివి ||యెఱిగి||

2.సకలము జూచెడు దేవుని కంటికి - జాటుగ జరిగెడి పని యేది = ఇక జెవి గుసగుస లెల్లను దిక్కుల బ్రకటము జేసెడు - ప్రభు వున్నాడని ||యెఱిగి||

3.ఎన్నిమార్లు సిలువను వేయుచు ప్రభు - యేసుని వెతబడ జేసెదవు = తిన్నని మార్గము - తెలిసియుండు నీ - కన్నుల గంతలు - గట్టితి వయ్యో ||యెఱిగి||

4.గద్దించెడు మనస్సాక్షికి గడ - గడ లాడక పోతివి నీవు = హద్దు మీరి దై వాజ్ఞలు ద్రోయుచు - నెద్దులాగు పరు - గెత్తితి వయ్యో ||యెఱిగి||

5.పలువిధ శోధన బాధలలో ఘన - ప్రభు క్రీస్తుడె నీ దిక్కనుకో = తాళుచు బశ్చాత్తాపముపడి యిక - జాలించుము కలు - షపు యత్నంబు ||యెఱిగి||

6.అపరిమిత దయా శాంతులు గల ప్రభు - వనిశము కోపింపడు నీపై = కృపా వాగ్దత్తము - లెపుడు దలచి నీ - యప విత్రత గని - హా యని యేడ్వుము ||యెఱిగి||

    - పురుషోత్తము చౌదరి

DOWNLOAD MP3 SONG HERE 👇

Nee charanamule nammithi | నీ చరణములే నమ్మితి

393

క్రీస్తుని ఆశ్రయించుట

రా - శహన,  తా - కరుజంపె

  నీ చరణములే నమ్మితి నమ్మితి - నీ పాదములే పట్టితి బట్టితి బట్టితి ||నీచరణములే||

1.దిక్కిక నీవే చక్కగ రావే = మిక్కిలి మ్రొక్కుదు మ్రొక్కుదు మ్రొక్కుదు ||నీచరణములే||

2.ఐహిక సుఖము - నరసితి నిత్యము = అహాహా ద్రోహిని ద్రోహిని ద్రొహిని ||నీచరణములే||

3.న్యాయము గాని - నాక్రియలన్ని - రోయుచు ద్రోయకు త్రోయకు త్రొయకు ||నీచరణములే||

4.భావము మార్చి నా వెత దీర్చి = దేవర ప్రోవవే ప్రోవవే ప్రోవవే ||నీచరణములే||

5.చంచల బుద్ది - వంచన యెద్ది - ఉంచక త్రుంచవే త్రుంచవే త్రుంచవే ||నీచరణములే||

6.చుట్టుకొని యున్న - శోధన లున్నఁ = పట్టు విడ గొట్టవే కొట్టవే కొట్టవే ||నీచరణములే||

7.నాచు పిశాచి - నరకుట గాచి = కాచుకో దాచవే దాచవే దాచవే ||నీ చరణములే||

8.యేసుని తోడ - నెవ్వరు సాటి = దోసము బాపును బాపును బాపును ||నీ చరణములే||

- పురుషోత్తము చౌదరి

_________________________________

Nee charanamule nammithi nammithi - Nee paadamue pattithi battithi battithi

1.Dikkika neeve chakkaga raave = mikkili mrokkudu mrokkudu mrokkudu ||nee chara||

2.Ihika sukhamu narasiti nithyamu = ahaha dhrohini dhrohini dhrohini ||nee chara||

3.Nyamua gaani naa kriyalanni =  royuchu dhroyaku throyaku throyaku ||nee chara||

4.Bhavamu maarchi naa vetha dheerchi = Devara provave provave provave ||nee chara||

5.Chanchala bhuddhi vanchana yeddhi = Unchaka thrunchave thrunchave thrunchave ||nee chara||

6.Chuttukoni yunna shodhana lunna = Pattuvida gottave kottave kottave ||neechara||

7.Naachu pichaasi - narakuta gaachi = Kaachuko daachave daachave daachave ||nee chara||

8.Yesuni thoda nevvaru saati = Dosamu baapunu baapunu baapunu ||nee chara||

 - Purushothamu choudari

DOWNLOAD MP3 SONG HERE 👇

Yehova naa mora | యెహోవ నా మొఱ

16

యెహోవా ప్రేమ 

(23 వ దావీదు కీర్తన) 

రా - శంకరాభరణము,  తా - ఆది

యెహోవా నా మొఱ లాలించెను - దన - మహా దయను నను ¹గణించెను = ²అహర్నిశల దీనహీనుఁడగు నా - దు ³హాయనెడు ధ్వని - గ్రహించి ⁴మనిపెను || యెహోవా||

1.⁵పిశాచి గడిమిఁబడఁగొట్టెను - దన - వశాన నను నిలువఁ బెట్టెను = ⁶ప్రశాంత మధుర సు - విశేష ⁷వాక్ఫల - ⁸నిశాంతమునఁ జే - ర్చి ⁹సేదఁ దీర్చెను || యెహోవా||

2.¹⁰మదావళముఁ బోలు నామదిన్ - దన - ¹¹ప్రదీప్త వా ¹²క్యాం కూశా హతిన్ = యధేచ్చలన్నిటి గురించి పాపపు - మొదల్ తుదల్ నరి - కి దరికిఁ జేర్చెను || యెహోవా||

3.అనీతి వస్త్ర ¹³మెడలించెను - యే - సునాధు రక్తమున ముంచెను ¹⁴వినూత్న యత్నమె - ద నూని యెన్నఁడు - గనన్ వినన్ బ్రే - మ నాకుఁ జూపెను || యెహోవా||

4.విలాపములకుఁ జెవి నిచ్చెను - శ్రమ - కలాపములకు సెలవిచ్చెను శిలానగము పై - కిలాగి నను సుఖ - కళావళుల్ మన - సులోన నిలిపెను || యెహోవా||

5.అగణ్య పాపియని త్రోయక - న - న్ను గూర్చి తన సుతుని దాఁ చక = తెగించి మృతి కొ - ప్పగించి పాపపు - నెగుల్ దిగుల్ సొగ - సుగా నణంచెను ||యెహోవా||

- పురుషోత్తము చౌదరి

_____________________________

¹సంపాదించెను.²రాత్రియందు పగటియందు. ³దుఃఖము చేతగలిగిన. ⁴రక్షించెను. ⁵శక్తి. ⁶మిగుల నెమదిగల. ⁷వాక్కు యొక్క ఫలమైన. ⁸గృహమున ⁹అలత. ¹⁰మదించినయేనుగు.¹¹ప్రకాశమైన.¹² అంకుళపు దెబ్బ చేత. ¹³పోగొట్టెను. ¹⁴క్రొత్త.

------------------------------------------

Yehova na mora laalinchenu - Dana - maha dayanu Nanu ganinchenu = Aharnishala deena hinudagu na - du hayanedu - dhvani grahinchi manipenu ||Yehova||

1.Pishaachi gadimi badagottenu Dana - vashana nanu niluva bettenu = Prashantha madura su - vishesa vakphala Nishanthamuna je - rchi seda deerchenu ||Yehova||

2.Madavalamu bolu naamadin - Dana - pradeeptha vaakyam kusha hathin = Yedhechalanniti gurinchi papapu - Modhal tudhal nari - ki dariki jerchenu ||Yehova||

3.Aneethi vastra medalinchenu - Ye - sunaadhu rakthamuna munchenu = Vinuthna yethna me - da nooni yennadu - Ganan vinan bre - ma naaku jupenu ||Yehova||

4.Vilaapamulaku jevi nichenu - Shrama - kalaapamulaku selavichenu = Silanagamu paiki laagi nanu sukha - Kalaavalul mana - sulona nilipenu ||Yehova||

5.Aghanya paapiyani throyaka - Na - nnu goorchi thana suthuni da chaka = Theginchi mruthi ko - ppaginchi paapapu - Negul digul soga - suga nananchen ||Yehova||

    - Purushothamu choudari

DOWNLOAD MP3 SONG HERE 👇

Nannu gannayya raave | నన్ను గన్నయ్య రావె

377

క్రీస్తునందలి అభయము

రా - హుసేని,    తా - అట

    నన్ను గన్నయ్య రావె నా యేసు = నన్ను గన్నయ్య రావె నా ప్రభువా ||నన్ను||

1.ముందు నీ పాదారవిందము - లందు నిశ్చల భక్తి ప్రేమను = పొందికగా జేయ రావే నా - డెంద మానంద మనంత మై యుప్పొంగ ||నన్ను|| 

2.హద్దులేనట్టి దురాశల - నవివేకినై కూడి యాడితి = మొద్దులతో నింక కూటమి - వద్దయ్య వద్దయ్య  వద్దయ్య తండ్రి ||నన్ను|| 

3.కాలము పెక్కు గతించెను - గర్వాదు లెడ దెగ వాయెను = ఈ లోక మాయ సుభేచ్ఛలు - చాలును జాలును  జాలు నో తండ్రి ||నన్ను|| 

4.దారుణ సంసార వారధి - దరి జూపి ప్రోవ నీ కన్నను = కారణ గురువు లింకెవ్వరు - లేరయ్య లేరయ్య లేరయ్య తండ్రి ||నన్ను||

5.నా వంటి దుష్కర్మజీవిని - కేవల మగు నీదు పేర్మిని = దీవించి రక్షింప నిప్పుడే - రావయ్య రావయ్య రావయ్య తండ్రి ||నన్ను|| 

- పురుషోత్తము చౌదరి

-------------------------------------------

Nannu gannayya rave naa yesu = nannu gannayya rave naa prabhuva ||Nannu||

1.Mundu nee paadara vindamu - landu nischala bhakti premanu = pondikaga jeya raave naa - denda maananda mananatha mai yupponga ||Nannu||

2.Haddu lenatti durashala - navivekinai kudi yadithi = moddulatho ninka kutami - vaddayya vaddayya vaddayya thandri ||Nannu||

3.Kaalamu pekku gathinchenu - garvadu ledadega vaayenu = ee loka maaya sukechalu - chaalunu jaalunu jaaluno thandri ||Nannu||

4.Dharuna samsara vaaradhi - dari jupi prova ni kannanu - kaarana guruvu linkevvaru - lerayya lerayya lerayya thandri ||Nannu||

5.Naavanti dhuskarma jeeviki - kevala magu needu permini = deevinchi rakshimpa nippude - ravayya ravayya ravayya thandri ||Nannu||

  - Purushothamu choudari

DOWNLOAD MP3 SONG HERE 👇