Thandree Nee Dari Cherchuko | తండ్రీ నీదరి చేర్చుకో

తండ్రీ నీదరి చేర్చుకో - నీ చేతిలో దాచుకో(2)

నీఆత్మలో నింపుకో - నీరూపులో మార్చుకో

     నీసేవకై వాడుకో - నన్ను నీసేవలో నిలుపుకో(2)

                                                        ||తండ్రీ||

1. పలుమారులు నే పడుచున్నను 

    నీఆత్మతో నన్ను పట్టుకో 

    దారితెలియక పరుగెత్తగా - 

    నీ త్రోవలో నన్ను నడిపించుకో(2)     ||తండ్రీ||

2. సాతాను శోధనలు అధికమైనా 

    నీ రెక్కల చాటున దాచుకో 

    సొమ్మసిల్లి నే పడియుండగా -

    నీ కంటి పాపగా నన్ను చూసుకో (2)  ||తండ్రీ||

3. ఆపదలు నన్ను దరిచేరగా 

    నా మంచి కాపరివై కాచుకో 

    తుఫాను లెన్నో చెలరేగగా - 

    ఆవలి తీరము నన్ను చేర్చుకో (2)   ||తండ్రీ||

4. నా అన్న వారు నన్ను విడువగా

    కన్న తండ్రి వై నన్ను చూసుకో

    ఇహ లోక యాత్ర నే ముగియగా

    పరలోక రాజ్యము నను చేర్చుకు (2) ||తండ్రీ||

Neevanti Devudu Evarunnaru | నీవంటి దేవుడు ఎవరున్నారు

నీవంటి దేవుడు ఎవరున్నారు - పరమందు ఈ భూతల మందు (2)

ఆకాశము నీ సింహాసనము - భూమి నీ పాదపీఠము (2)||నీవంటి||

1. భూమంతయు దాని అంతమంతయు - నీ చేతి కార్యములు =

జలరాశులు సకల ప్రాణులంతయు - నీ దయకు తీపి గురుతులు 

మానవజాతి నీ ప్రేమకు చిహ్నం - సృష్టించినావు నీ రూపులో (2)||నీవంటి||

2. నీవు సృష్టించిన మనుషులందరూ - సృష్టికర్తను నిన్ను మరచితిమి = 

నా చేతి పనినే నమ్మితిమి - వాటిని మేము పూజించితిమి తండ్రియైన నీవు విలపించి మాకై - ఏసుగా ఏతెంచితివి  (2) ||నీవంటి||

3. జీవ వాక్యం శరీరధారియై- మన మధ్యన నివసించెను =

 ప్రతి పాపమును తానే మోసి - సిలువపై మరణించెను -

 పాపక్షమాపణ మనకు ఇచ్చెను - పరలోకరాజ్యముకు దారి చూపెను(2) ||నీవంటి||

DOWNLOAD MP3 SONG HERE 👇

Premamrutha dharalu chindinchina | ప్రేమామృతధారలు చిందించిన

677

1. ప్రేమామృతధారలు చిందించిన 

యేసుకు సమమెవరు ? ఆ --- ఆ - 

ప్రేమయెతానై నిలచి - ప్రేమవాక్కులనే బలికి

ప్రేమతో ప్రాణముబెట్టి - ప్రేమనగరికి చనియె ||ప్రేమామృత||

2. నిశ్చలమైన ప్రేమజీవికి - యిలలో తావేది

ప్రేమ ద్రోహులేగాని - ప్రియమున చేరరు వాని

చేరిన చెలికాడగురా - సమయమిదే పరుగిడరా ||ప్రేమామృత||

3.ఎంత ఘోరపాపాత్ములనైన - ప్రేమించునురారా

పాపభారముతో - రారా - పాదములపై బడరా

పాపుల రక్షకుడేసు - తప్పక నిను రక్షించున్ ||ప్రేమామృత||

4. ఇంత గొప్ప రక్షణను - నిర్లక్ష్యము చేసెదవేల?

రక్షణ దిన మిదియేరా - తక్షణమే కనుగొనరా 

ఇదియే దేవునివరము - ముదమారగ జేకొనుము ||ప్రేమామృత||

DOWNLOAD MP3 SONG HERE 👇