Hrudayamanedu thalupunodha హృదయ మనెడు తలుపు

310

యేసు హృదయద్వారమును తట్టుట 

రా - భైరవి,   తా - ఆది

హృదయ మనెడు తలుపునొద్ద - యేసు నాధుండు = నిలచి సదయుడగుచు దట్టు చుండు - సకల విధములను ||హృదయ||

1.పరుని బోలి నిలుచున్నాడు - పరికించి చూడ = నతడు పరుడుగాడు రక్షకుండు - ప్రాణ స్నేహితుడు ||హృదయ||

2.కరుణాశీలుం డతడు గాన - గాచి యున్నాడు = యేసు - కరుణ నెఱిగి గారవింప - గరము న్యాయంబు ||హృదయ||

3.ఎంతసేపు నిలువబెట్టి - యేడ్పింతు రతని = నాత - డెంతో దయచే బిలుచు చున్నా - డిప్పుడు మిమ్ములను ||హృదయ||

4.అతడు మిత్రు డతడు మిత్రు - డఖిల పాపులకు = మీర లతని పిలుపు వింటి రేని - యతడు - ప్రియుడగును ||హృదయ||

5.జాలిచేత దన హస్తముల - జాపి యున్నాడు = మిమ్ము - నాలింగనము సేయ గోరి - యనిశము కని పెట్టు ||హృదయ||

6.సాటి లేని దయగల వాడు - సర్వేశు సుతుడు = తన - మాట వినెడు వారల నెల్ల - సూటిగ రక్షించు || హృదయ||

7.చేర్చుకొనుడి మీ హృదయమున శ్రీ యేసు నాధు = నతడు - చేర్చు కొనుచు మీకిచ్చును - చిర జీవము గృపను ||హృదయ||

8.అతడు తప్పక కలుగజేయు - నఖిల భాగ్యములు = మీర - లతని హత్తుకొందు రప్పు - డానందముతోడ ||హృదయ||

9.బ్రతుకు శాశ్వతంబు కాదు - పరికించి చూడ = గాన బ్రతికి యుండు కాలముననే - ప్రభుని గొలువండి ||హృదయ||

                                  - పులిపాక జగన్నాదము

Goppa Deva Neevu Naa Thandrivi | గొప్ప దేవ నీవు నా తండ్రివి

60

నీవు నా తండ్రివి

రా – ఆనంద భైరవి, తా – ఆది

                  

గొప్ప దేవ నీవు నా తండ్రివి - యకాశమందు - గొప్ప దేవ నాకుఁ దండ్రివి = తప్పకుండ వత్తు నీ - దరికి యేసు నామమందు - గొప్ప కరుణ చేత న - న్నిప్పుడు తగఁ జేర్చుకొనుము || గొప్ప ||

1. నీవు మిగుల గొప్ప వాఁడవు - నా సృష్టి కర్త - యీవు లెపుడు నిచ్చు వాఁ డవు = భావమందు నినుఁ దలంచి - పావనాత్మ నాకు నిచ్చి - జీవమార్గమందు నిలిపి - కావు మనుచు వేఁడుకొందు || గొప్ప ||

2. చిన్నవాని నంగి ప్రార్థన - నీ లోకమందు - మున్ను దయను నిన్న వాఁడవు సన్నుతుఁడగు యేసు నీదు - సన్నిధి నున్నాఁడు గాన - నన్నుఁ గనికరించు మనుచు నమ్మి వత్తు నిపుడు || గొప్ప||

3. విలువ గల్గు నీదు నాజ్ఞలు - నా హృదయమందు - బలు విధములఁ దలఁ చు చుందును = బలుకులందుఁబనులయందు - బలముఁ జూపి నిన్ను గొలిచి - యిలను నిన్నుఁ బ్రీతిపరుతు - నలయక నీ కరుణ మెయిని || గొప్ప||

4. మీఁది రాజ్యమందుఁ జేర్చుము - కరుణాసముద్ర - బీద నైన నన్నుఁ గరుణచే = సోదరులను గూడికొనుచు - మోద మొప్పఁగ నీదు సేవఁ బాదుకొనుచు నుందును నీ పాదపద్మములనుబట్టి || గొప్ప ||

                            - పులిపాక జగన్నాథము

Naa kaalagathu levvi | నా కాలగతు లెవ్వి నా చేతులను

13

నీవే నా సహాయుడవు

 రా - శంకరాభరణము, తా - త్రిపుట

 (చాయ: మన మొదటి తలిదండ్రుల్)

నా కాలగతు లెవ్వి - నా చేతులను లేవు - నాదు దేవ = యెపుడు - నీకే వాని మీద - నిత్యాధికారంబు - నిల్చియుండు || నా ||

1.తల్లిగర్భంబున - దసర సృజించితివి - ధరణి నన్ను = నీవు - తల్లికన్నను మిగుల దయచేతఁ జూచితివి - తండ్రి నన్ను || నా ||

2.పాప కూపమునందుఁ - బడియుండఁగా నన్నుఁ - బారఁజూచి = చేయి చాపి యేసునిద్వార - చక్కఁగాఁ దెచ్చితివి - చాలు దేవ || నా ||

3.సుఖఃదుఖ కాలములు - శోధింపఁ - బంపుదువు  శోభాయుక్త = నాకు - సుఖముఁ గల్గజేయు - సొంపుగ వానిచే స్థూల శక్తి || నా ||

4.సకల కాలంబులం - జక్కఁగ లోఁబడి - నన్నుతింతు = నన్ను - ఆకలంకునిగాఁ జేయు - మనుచు వేఁడుచునుందు - నధికాసక్తి || నా ||  

- పులిపాక జగన్నాధము

Naavanni Angeekarinchumi Deva | నావన్ని అంగీకరించుమి దేవా

441

సమర్పణము

రా - సౌరాష్ట్ర,   తా - ఆట

నావన్ని అంగీకరించుమి - దేవా - నన్నెపుడు నీవు కరుణించుమీ =  నావన్ని కృపచేత - నీవలన నొందిన - భావంబునను నేను - బహుదైర్యమొందెద

1.నీకు నా ప్రాణము - నిజముగ నర్పించి = నీకు మీదుగట్టి - నీ కొరకు నిల్పెద ||నావన్ని ||

2.సత్యంబు నీ ప్రేమ - చక్కగా మధి బూని = నిత్యంబు గరముల - నీ సేవ జేసెద ||నావన్ని||

3.నీ సేవ జరిగెడు - నీ ఆలయమునకు = ఆశచే నడిపించు - మరల నా పదముల ||నావన్ని|

4.పెదవులతో నేను - బెంపుగ నీ వార్త - గదలక ప్రకటింప = గలిగించు దృడభక్తి || నావన్ని||

5.నా వెండి కనకంబు - నా తండ్రి గైకొనిమీ = యావంత యైనను - నాశించ మదిలోన ||నావన్ని||

6.నీవు నా కొసగిన - నిర్మల బుద్దిచే = సేవ జేయగ నిమ్ము - స్థిరభక్తితో నీకు ||నావన్ని||

7.చిత్తము నీ కృపా - యత్తంబు గావించి = మత్తిల్ల కుండగ - మార్గంబు దెలుపుము ||నావన్ని||

8.హృదయంబు నీకిత్తు - సదనంబు గావించి = పదిలంబుగా దాని - బట్టి కాపాడుము ||నావన్ని||

-  పులిపాక జగన్నాథము 

DOWNLOAD MP3 SONG HERE 👇

Kudikoni yunnamu | కూడికొని యున్నాము

18

క్రైస్తవారాధన

రా - నురటి,   తా - త్రిపుట

కూడికొని యున్నాము - సంఘ ప్రభో - కూడికొని యున్నాము = తోడ నుండెద ననుచు నమ్ముచు - దొడ్డ దగు నీ పాద సన్నిధి ||కూడికొని||

1.ఎచట నా ప్రియ భక్తు - లెలమిఁ గూడియున్న నచటికి నేతెంతు - నని పల్కితి = విచట నుండు మమ్ము - వీక్షించి కృపచేత - నిపుడు దీవించు మీ - యేసు క్రీస్తునాధా ||కూడికొని||

2.గత కాలమందున - గాని చేఁతలచే దు - ర్గతి నొంది యుండఁగాఁ - గనుఁగొంటివి = శత సంఖ్య గల పాప - చయ మీవు క్షమియించి - యతి శాంతి నిడితివి - యాత్మ స్వరూపా ||కూడికొని||

3.నిరతము నీ ప్రేమ - నెనరున ధ్యానించి - పరమ ధర్మములందుఁ - బరతఁ గల్గి = యరులకు శుభములు - నిరతంబుఁ జేయఁగఁ - దిరత మా కొసఁగు ము - దేవుని ప్రియ తనయా ||కూడికొని||

4.అన్ని శోధనముల నన్ని విపత్తుల - నన్ని కాలములందు - నాదరించి నిన్ను నమ్మిన జనుల - నీ సందిటను జేర్చి - పన్నుగఁ గాపాడు ప్రభు యేసు క్రీస్తు ||కూడికొని||

5.అమలుఁడ నగు న - న్న నుకరించుం డనుచు - నాన తిచ్చినాఁడ - వాత్మ జులకు = నమల మార్గము నందు - నరుగంగ మాకీవు - విమలాత్మ దయ సేయు - వేగంబు మా తండ్రీ ||కూడికొని||

– పులిపాక జగన్నాధము

DOWNLOAD MP3 SONG HERE 👇

Neevu thodaiunna chaalu | నీవు తోడైయున్న చాలు

413

యేసు తోడైయున్నఁ జాలును 

రా – బిలహరి, తా - త్రిపుట

నీవు తోడై యున్న చాలు - యేసు - నిత్యము నాకది మేలు = నీవు ధరణినుండు - నీచ పాపుల నెల్లగావ బ్రేమ వచ్చి - ఘన ప్రాణ మిడినట్టి నీవు ॥నీవు॥

1.నిను బోలు రక్షకుం డేడి - క్రీస్తు - నను బోలు పాతకుం డేడి = నిను నమ్ము వారలకు - నీవొసగుచుందువు - తనరం పాపక్షమ - దయ చేత నిలలోన ॥నీవు॥

2.నీపాటి బలవంతు డేడి - ప్రభు - నాపాటి దుర్బలుం డేడి = కాపాడు చుందువు - కలకాలమును నీవు - నీ పాద సేవకుల - నీ నేర్పు రంజిల్ల ॥నీవు॥

3.నీవంటి యుపకారి యేడి - కర్త - నావంటి కడు దీను డేడి = జీవుల కును గల్గు - జీవంబు లిచ్చుచు - జీవాధారము లొసగి - జీవుల బ్రోచెడి ॥నీవు॥

4.నీవంటి ధనవంతు డేడి - యేసు - నావంటి ధనహీను డేడి = ప్రోవు లై యున్నవి - యీవులు నీయందు - నీవు వాని నొసంగి నిరతంబు నను గావు ॥నీవు॥

- పులిపాక జగన్నాదము

DOWNLOAD MP3 SONG HERE 👇

Pampumu Deva Deevenalatho | పంపుముదేవా దీవెనలతో

614 

ముగింపు పాట

రా - శ్రీరాగము,  తా - ఆట

పంపుము దేవా దీవెనలతో - పంపుము దేవా = పంపుము దయ చేత పతిత పావన నామ - పెంపుగ నీసేవ - ప్రియ మొప్ప నొనరింప ||బంపు||

1.మా సేవ నుండిన - మావెల్తు లన్నియు = యేసుని కొఱకు నీ - వెసగ క్షమియించుచు ||బంపు||

2.వినిన సత్యంబును - విమలాత్మ మదినిల్పి = దిన దినము ఫలములు - దివ్యముగ ఫలియింప ||బంపు||

3.ఆసక్తితో ని - న్ననిశము సేవింప = భాసురంబగు నాత్మ - వాసి కెక్కగ నిచ్చి ||పంపు||

                             - పులిపాక జగన్నాథము

DOWNLOAD MP3 SONG HERE 👇

Krotha yedu modalu | క్రొత్త యేడు మొదలు

603

క్రొత్త సంవత్సరము

రా - కాంభోజి, తా - త్రిపుట

క్రొత్త యేడు మొదలు బెట్టెను - మన బ్రతుకునందు - క్రొత్త యేడు మొదలు బెట్టెను = క్రొత్తమనసు తోడ మీరు - క్రొత్త యేట బ్రభుని సేవ - దత్తర పడకుండ జేయు - టుత్త మోత్తమంబు  జూడ ||క్రొత్త||

1.పొంది యున్న మేలు లన్నియు బొంకంబు మీఱ - డెందమందు స్మరణజేయుడీ = యిందు మీరు మొదలు బెట్టు - పందెమందు గెల్వ వలయు - నంద ముగను రవిని బోలి - నలయకుండ మెలయ కుండ ||క్రొత్త||

2.మేలు సేయ దడ వొనర్పగా - మీరెఱుగునట్లు  కాలమంత నిరుడు గడచెగా = ప్రాలుమాలి యుండకుండ జాల మేలు సేయవలయు - జాల జనముల కిమ్మాను - యేలు నామ ఘనత కొఱకు ||క్రొత్త|| 

3.బలము లేని వార మయ్యును - బల మొంద వచ్చు - గలిమి మీఱ - గర్త వాక్కును = నలయకుండ నడుగుచుండ - నలగకుండ మోద మొంది బల మొసంగు సర్వవిధుల - నెలమి మీరొనర్చు చుండ ||క్రొత్త||

4.ఇద్ధరిత్రి నుండు నప్పుడే- యీశ్వరుని జనులు - వృద్ధిబొంద జూడ వలయును = బుద్ధి నీతి శుద్ధులందు - వృద్ధినొంద శ్రద్ధ జేయ - శుద్ధు లైన వారిలో ప్ర - సిద్దులగుచు వెలుగవచ్చు ||క్రొత్త||

5.పాపపంక మంటినప్పుడు - ప్రభు క్రీస్తు యేసు - ప్రాపు జేరి మీరు వేడగా = నేపు మీఱ దనదు కరుణ - బాప మంత గడిగివేసి - పాప రోగ చిహ్న లన్ని - బాపివేసి శుద్ధి జేయు IIక్రొత్త||

- పులిపాక జగన్నాధము

DOWNLOAD MP3 SONG HERE 👇