నా కోరిక నీ ప్రణాళిక - పరిమలించాలని
నా ప్రార్ధన విజ్ఞాపన - నిత్య మహిమలో నిలవాలని (2)
అక్షయుడా నీ కల్వరి త్యాగం - అంకితభావం కలుగజేసెను
ఆశలవాకిలి తెరచినావు - అనురాగ వర్షం కురిపించినావు (2)
నా హృదయములో ఉప్పెంగేనే - కృతజ్ఞత సంద్రమే
నీ సన్నిధిలో స్తుతి పాడనా - నా హృదయ విద్వంసుడా ||నా కోరిక||
1.యధార్ధవంతుల యెడల - నీవు యడబాయక కృప చూపి
గాడంధకారము కమ్ముకొనగా - వెలుగు రేఖవై ఉధయించినావు (2)
నన్ను నీవు విడిపించినావు - ఇస్టుడునై నే నడచి నందున
దీర్గాయువుతో త్రుప్తిపరచిన - సజీవుడవు నీవేనయ్యా || నా హృదయములో ||
2.నాలో ఉన్నదీ విశ్వాస వరము - తోడై ఉన్నదీ వగ్ధన బలము
దైర్యపరచి నడుపుచున్నది - విజయశిఖరపు దిశగా (2 )
అర్ప జాలని నీ ప్రేమతో - ఆత్మ దీపము వెలిగించినావు
దీన మనస్సు వినయభావము - నాకు నేర్పిన సాత్వికుడ ||నా హృదయములో||
3.స్వచ్చమైన నీ వాక్యం - వన్నె తరగని నీ ఉపదేశం
మహిమ కలిగిన సంఘముగా నను - నిలుపునే నీ ఎదుట (2)
సిగ్గుపరచదు నన్నేనడు - నీలో నాకున్న నిరీక్షణ
వేచియున్నాను నీ కోసమే - సిద్ధపరచుము సంపూర్ణుడ ||నా హృదయములో||
