Mahimatho mana yesu మహిమతో మన యేసు

229

క్రీస్తు మహిమతో వచ్చుట

రా - ఘంటా, తా - అట 

 

మహిమతో మన యేసు - ఇహమునకు వేంచేయున్ = సహోదరులారా మన మా - మహిమలో వెలుఁగుదుము ||మహిమతో||

 

1.మోములు వంచి యేసు - నామము నుతియించు = పామరులమైన మనలఁ - బ్రేమతోఁ గప్పినాఁడే ||మహిమతో||

 

2.పాత్రులమా మనము - శత్రులమే కాదా = మిత్రులన్ జేసిన వి - చిత్రము తెలియలేము ||మహిమతో||

 

3.శిరముల పైని జీవ - కిరీటములతోను = బరమ దేవుని వరములు - మురి యుచు మరువలేము ||మహిమతో||

 

4.వీణెలతో మనము - నాణెమైన పాట = ఋణము చెల్లింపలేమని - యణఁ గి మణఁగి పాడుదుము ||మహిమతో||

- గొల్లపల్లి నతానియేలు 

Yesukreesthu prabhuva memu | యేసుక్రీస్తు ప్రభువా మేము

170 

క్రీస్తుని దయ

రా - ముఖారి,  తా - ఆది

       యేసుక్రీస్తు ప్రభువా - మేము నీ - మోక్షముఁ బొందుటకు = దోసపు లోకము - లోనికి వచ్చితి - దోషులఁ బ్రోచుటకు ||యేసు||

1.పరిశుద్ధుఁడ వీవు - ఇలలో - పాపుల నందరిని = పరిపరివిధ - కృప - వాక్కులతోడను - పిలిచితి వెల్లప్పుడు ||యేసు||

2.సత్యపు నడతలతో - జగతిని - సర్వాద్భుతములను = నిత్యముఁ జేయుచు - నీ కృప చాల - యిలలోఁ దెల్పితివే ||యేసు||

3.అతి పుణ్యాత్ముఁడవే - ¹క్షితిలో - ²వెతలను బొందితివే = మృతిని బొందియు - మూఁడవ దినమున - బ్రతికియు లేచితివే ||యేసు||

4.పాపుల మని తెలిసి - నీదగు దాపున జేరఁగనే =  పాపముఁ బాపుచు ప్రాపుగ నుండెడి - ప్రభుఁడవు నీవెగదా ||యేసు||

5.³దురిత వితతి దూరా - నమ్మిన - దురితుల స్నేహితుఁడా = నిరతము మమ్మును - నీ కృప లోపల - నిలకడగాఁ బెంచు ||యేసు||

6.నోరు నిండ నెదలో - నీ కృప - ప్రేరేపణఁగలిగి = సారెకు వేఁడెద - ⁴ముర్వికి రక్షణ - కారకుఁడా నిన్ను ||యేసు||

                        – గొల్లపల్లి నతానియేలు

------------------------------------------

¹భూమిలో. ²కష్టములను. ⁴పాప సమూహమునకు దూరమైన వాడా. ⁴భూలోకమునకు.

Yesu naamamruthamu kannanu | యేసు నామామృతము కన్నను

136 

వేరొక నామమున రక్షణ లేదు

రా - యమునా కళ్యాణి, తా - త్రిపుట

యేసు నామామృతము కన్నను - వేరే మాకిఁక లేదుగా = దోసముల నెడబాపి పరమని - వాస పదవికిఁ జేర్చుఁగా ||యేసు||

1.నిత్య రక్షణ నిత్య జీవము - నిజముగా మాకిచ్చును = సత్యసువిశేషార్థసారము - సతము గ్రోలుట కొసఁగెను ||యేసు||

2.దురిత భవ మను నంధకారము - దూరముగఁ బోఁదోలెఁగా = అరయఁ దన విమలాత్మ వరమున -  మరల మము వెలిఁగించెఁగా ||యేసు||

3.గొప్ప కుల గర్వముల మెప్పను - తప్పుల న్విడఁగొట్టెను = చెప్ప శక్యముగాని రక్షణ - సృష్టిలో మము నిల్పెను ||యేసు||

4.అడ్డు పరచు పిశాచి మార్గపు జిడ్డులను ఛేదించెను = దొడ్డ కాపరి యేసు తన దగు - దొడ్డిలో మముఁ జేర్చెను. ||యేసు||

                 – గొల్లపల్లి నతానియేలు

Yesu naayakuda yella velanu | యేసు నాయకుఁడ యెల్ల వేళలను

3

యేసు సహాయమునకై ప్రార్థన

రా - మారువ, తా - ఆది

(ఛాయ: తనువు నాదిదిగో)

యేసు నాయకుఁడ - యెల్ల వేళలను నీ - దాసుల నేలుమయ్యా = మోసము లన్నిటి - మునగఁద్రోతునని- బాసలు జేసిన - ప్రభుఁడవు నీవెగా llయేసు||

1.రేయింబవలు మా - న్యాయము చెరిపెడి - మాయ పిశాచిని = త్రోయుమి దూరము - బాయక భక్తుల - చేయి విడువని బహుశ్రేష్టుఁడ నీవెగా llయేసుll

2.హృదయము లోకము - మది పాపము మమ్ము - సతతము శ్రమ పెట్టును = సదయుఁడ మమ్మును - వదలక నిత్యము - మది తలపులలో - మహిమగ నేలుమీ llయేసుll

3.కాపాడుమి మమ్ము - మాపు  రేపు నీ - శ్రీ  పాదము లొద్దను = ఏ పాపములును ఏలకుండగ నీ - ప్రాపునఁబెంచుము - మాపాలకుఁడవో llయేసుll

4.మా కొరకై నీ - మేనును మ్రానున - మేకులతోఁ గొట్టగ - మానము మహి ములు - మనుజుల  కియ్యను - భానుఁడ రాజుగ - బ్రతికిలేచితివి llయేసుll

5.చెఱను చెఱనుగా - మరి  పట్టుక నీవు - పరమున కరిగితివే -వరముల నిడితివి - ధరలో నరులకు - పరముఁడ నీ దయ మరువశక్యమా llయేసుll 

                        - గొల్లపల్లి నతానియేలు

Devuni prema idigo | దేవుని ప్రేమ యిదిగో

149

క్రీస్తు నందు ప్రత్యక్షమైన దేవుని ప్రేమ

రా - ఆనంద భైరవి,  తా - కురుఝుంపే

దేవుని ప్రేమ యిదిగో - జనులారా - భావంబునం దెలియరే = కేవలము నమ్ముకొనిన - పరలోక - జీవంబు మన కబ్బును ||దేవుని||

1.సర్వలోకము మనలను తన వాక్య - సత్యంబుతో  జేసెను సర్వోపకారుడుండే - మనమీద - జాలిపరుడై యుండెను ||దేవుని||

2.మానవుల రక్షింపను - దేవుండు - తనకుమారుని బంపెను = మన శరీరము దాల్చెను - ఆ ప్రభువు - మన పాపముకు దూరుడే ||దేవుని||

3.యేసు క్రీస్తను పేరున - రక్షకుడు వెలసి నాడిలలోపల = దోసకారి జనులతో - నెంతో సు - భాషలను బల్కి నాడు ||దేవుని||

4.పాపభారంబు తోడ - నే ప్రొద్దు - ప్రయాసముల బొందెడి = పాపులందరు నమ్మిన - విశ్రాంతి - పరిపూర్ణమిత్తుననెను ||దేవుని||

5.సతులైన పురుషులైనన్ - యాకర్త సర్వ జనుల యెడలను = సత్ప్రేమగ నడిచేను - పరలోక సద్భోధలిక జేసెను ||దేవుని||

6.చావు నొందిన కొందరిన్ - యేసుండు - చక్కగా బ్రతికించెను సకల వ్యాధుల రోగులు - ప్రభు నంటి - స్వస్థంబు తా మొందిరి ||దేవుని||

7. గాలి సంద్రపు పొంగులన్ - సద్గణపి - నీళ్ళ పై నడచినాడే = మేలుగల యద్భుతములు - ఈలాగు - వేల కొలదిగ జేసెను ||దేవుని||

8. చేతుల కాళ్లలోను - రా రాజు - చేర మేకులు బొందెను = పాతకులు గొట్టినారే - పరిశుద్ధ - నీతి తా మోర్వలేకన్ ||దేవుని||

9.ఒడలు రక్తము గారగ - దెబ్బలు - చెడుగు లందఱు గొట్టిరి - వడిముళ్లు తలమీదను బెట్టిరి - ఓర్చెనో రక్షకుండు ||దేవుని||

10.ఇన్ని బాధలు బెట్టుచు దను జంపు - చున్న పాప నరులను = మన్నించు మని తండ్రిని యేసుండు - సన్నుతితో వేడెను ||దేవుని||

12.రక్షకుడు మృతి బొందగా - దేశంబు - తక్షణము చీకటయ్యెన్ = రక్షకుడు మృతినొందగ తెరచినిగి - రాతి కొండలు పగిలెను ||దేవుని||

11.రాతి సమాధిలోను - రక్షకుని - నీతిగల దేహంబును = పాతి పెట్టిరి భక్తులు - నమ్మిన - నాతు లందఱు జూడగా        ||దేవుని||

12.మూడవ దినమందున - యేసుండు - మృతిగెల్చి లేచినాడు = నాడు నమ్మిన మనుజులు చూచిరి - నలువది దినములందున్ ||దేవుని||

14.పదనొకండు మారులు - వారలకు - బ్రత్యక్షు డాయె నేసు = పరలోకమున కేగెను - తన వార్త - బ్రకటించు మని పల్కెను  ||దేవుని||

15.నమ్మి బాప్తిస్మమొందు - నరులకు - రక్షణ మరి కల్గును = నమ్మ నొల్లక పోయెడు - నరులకు - నరకంబు సిద్ధమనెను ||దేవుని||

                          - గొల్లపల్లి సతానియేలు

DOWNLOAD MP3 SONG HERE 👇

Paradeshulamo priyulaaraa | పరదేశులమో ప్రియులారా

483

జీవిత యాత్ర

రా - ముఖారి,  తా - ఆది

పరదేశులమో ప్రియులారా మన = పురమిది  గాదెపుడు - నిజముగ ||బరదేశుల||

1.చిత్ర వస్తువులు - చెల్లెడి యొక వి = చిత్రమైన సంత - లోకము ||పరదేశుల||

2.సంత గొల్లు క్షమ - సడలిన చందం = బంతయు సద్దణగున్- నిజముగ ॥బరదేశుల||

3.స్థిర మని నమ్మకు - ధర యెవ్వరికిని = బరలోకమె స్థిరము - నిజముగ ||బరదేశుల||

4.మేడలు మిద్దెలు - మేలగు సరకులు = పాడై కన బడవే - నిజముగ ॥బరదేశుల||

5.ధన ధాన్యంబులు - దరగక మానవు = పనిపాటలు పోయె - నిజముగ ||భరదేశుల||

6.ఎన్ని నాళ్లు మన - మిలలో బ్రతికిన = మన్నై పోవునుగా - దేహము ||బరదేశుల||

7.వచ్చితి మిచటికి - వట్టి హస్తముల = దెచ్చిన దేదియు లేదు గదా ||పరదేశుల||

8.ఎట్లు వచ్చితిమి - యీ లోకమునకు = అట్లు వెళ్లవలయున్ - మింటికి॥బరదేశుల||

9.యేసు నందు వి - శ్వాసం బుంచిన = వాసిగ నిను జేర్చున్ - బరమున ||బరదేశుల||

10.యేసే మార్గము - యేసే సత్యము = యేసే జీవముగా - నిజముగ ॥బరదేశుల|| 

    - గొల్లపల్లి నతానియేలు

DOWNLOAD MP3 SONG HERE 👇