250
పరిశుద్ధాత్మునిఁ బొందుడి
(ఛాయ: పరిశుద్ధాత్ముని గోరుము జీవమా)
రా - కళ్యాణి, తా - అట
పరిశుద్ధాత్మునిఁ బొందుము - ప్రభువిచ్చెడు - వరసహాయునిఁ బొం దుము = పరిశుద్ధవర్తనకు - పరమసాహాయ్యంబుఁ - పరముఁజేరువఱకు - పరి పూర్తిగా దొరకు ||పరి||
1.పరిశుద్ధాత్మునిఁ గల్గిన - మన రక్షణ - పరిపూర్ణమై యుండును = పరమ రక్షకుఁడిచ్చు = పరిపూర్ణ రక్షణను - పరమానందముతోడఁ - పరగఁగైకొను మిపుడే ||పరి||
2.పరిశుద్ధాత్మునిఁ గల్గిన - బైబిలువాక్య - పరమసారము తేటగుఁన్ = పర మండలపుఁ తండ్రి - పరిశుద్ధచిత్తంబు - పొరపాటులేకుండ - విరివిరిగాఁ దెలియును ||పరి||
3.పరిశుద్ధాత్మునిఁ గల్గినఁ - బ్రార్థనలందుఁ - పరమ పాటవ మబ్బును = సరిగాఁ బ్రార్థించెడు - సరణియుఁ దెలియును - వరములను బొందుటకు - తెరువులభియించును ||పరి||
4.పరిశుద్ధాత్మునిఁ గల్గిన - శోధనములఁ-పరమ విజయము గల్గును = దురితంపు శోధనలఁ - దొలగింప నా ప్రభువు - పరమశక్తినొసంగి - కరుణతో జయమిచ్చు ||పరి||
5.పరిశుద్ధాత్మునిఁ గల్గిన - జీవితమెల్లఁ-పరిశుద్ధముగ నుండును = పరిశుద్ధ జీవితము - కరము సాధ్యంబగును - పరిశుద్ధాత్ముని శక్తిన్ - వర్తింపఁగలమట్లు ||పరి||
- మండపాక కేశవరాయ శర్మ
