Keerthinthu Nee Namamun Naa | కీర్తింతు నీ నామమున్ నా ప్రభువా

కీర్తింతు నీ నామమున్ - నా ప్రభువా - 

సన్నుతింతు నీ నామమున్ మనసారా 

ఎల్లప్పుడూ క్రొత్త గీతముతో నిను నే కొనియాడెదన్  

                                            ||కీర్తింతు||

1. ప్రతి ఉదయం నీ స్తుతిగానం - దినమంతయు నీ ధ్యానం 

    ప్రతి కార్యం నీ మహిమార్థం - సంధ్య వేళలో నీ స్తోత్రగీతం 

                                            ||కీర్తింతు||

2. నీవు చేసిన మేలులన్ లెక్కిస్తూ - వేలాది స్తుతులన్ చెల్లిస్తూ

    ఎనలేని నీ ప్రేమను వర్ణిస్తూ - నిన్నే నేను ఆరాధిస్తూ 

                                            ||కీర్తింతు||

3. అమూల్యమైనదీ నీ నామం - ఇలలో శ్రేష్ఠమైనదీ నీ నామం

    ఉన్నతమైనదీ నీ నామం -నాకై నిలచిన మోక్ష మార్గం

                                             ||కీర్తింతు||