Pilla naina nannu judumi | పిల్ల నైన నన్నుఁ జూడుమీ

538

బాల ప్రార్థన 

రా - ముఖారి, తా- త్రిపుట 

పిల్ల నైన నన్నుఁ జూడుమీ - ప్రియ మైన యేసు - పిల్ల నైన నన్నుఁ జూడుమీ = చల్లని రక్షకుఁడ వనుచు - సత్య వార్తఁ దెలుపుచుండ - నుల్ల మందు నిన్ను నమ్మి - కల్ల లేక వేఁడుకొందుఁ ||బిల్ల నైన||

1.నిన్ను నమ్మి యున్నవాఁడను - ఘన దేవ తనయ - నన్ను దాఁచు నీ నీడను = తిన్నని హృదయంబు నాకుఁ - జెన్నుగా నొసంగి యిపుడు - సన్నుతింప నిమ్ము - నన్ను - సాధు వైన నిన్నుఁ దలఁచి ||పిల్ల నైన||

2.ప్రేమచేత నొప్పుచుంటివి - ప్రేమా స్వరూప - ప్రేమలోన నడచు చుంటివి = ప్రేమ లేని నన్నుఁ బ్రోవఁ - బ్రేమచేత బ్రాణ మిచ్చి - ప్రేమఁ జూపు మనుచు నన్నుఁ బ్రీతి చేత బోధింపఁ ||బిల్ల నైన||

3.పరమ జనకు చిత్త మెప్పుడు - పరమేశ పుత్ర - బిరబిరగను జేయఁగా నిమ్ము = కరుణ మీర నాత్మచేత వరవరంబు లొసఁగి నాకు - నరిలలోన నిన్నుఁ గొలువ - ధరణిమీఁద నన్ను నిలుపఁ ||బిల్లనైన||

4.బలము మీర నన్ను నిలుపుము - తుల లేనివాఁడ - బలము గల్గు నీదు చేతుల = నిలను నీకు ఫలము లిచ్చి - యెలమి నిన్ను గొప్పఁ జేయ - సలలిత ముగ - నడువ నిమ్ము - చక్కని నీ మార్గమందుఁ ||బిల్లనైన||

- పులిపాక జగన్నాధము 

Emi Nenu Samrpinthu Yesu ఏమి నేను సమర్పింతు యేసూ

86

యేసున కేమి సమర్పించుదును?

రా – ఆనందభైరవి,   తా – అట

                   

ఏమి నేను సమర్పింతు - యేసూ - యెట్లు నిన్ను స్తుతియింతు = ఏమి సమర్పింతు - హీనుఁడ నగు నేను - గామితార్థము లెల్ల - గలుగఁజేయు నీకు || నేమి ||

1. నేను మార్గముఁ దప్పియుండఁగ - నన్ను - నీవు కంటివి కరుణ నిండఁగ = దీనపాపులను - దృఢముగఁ బ్రోవను - దాన మిచ్చితివి - తనర నీ ప్రాణము|| నేమి ||

2. అందరి కొఱు కీవు తెచ్చిన - మిగుల - అందమైన నిత్య రక్షణ = అంది నిన్ను - పొందుగఁ జేసెద - నొందు మా నా నుతి - నుత్తమ ప్రభు క్రీస్తు || మేమి ||

3. నీ యందే యానంద మొందఁగ యేసు - నీదైన యాత్మ నాకందఁగ = జేయు మంచు నీకుఁ జేసెదఁ బ్రాణాన - నాయందు దయచేసి నా మనవి నాలించు || మేమి ||

4. నేను జేసిన యఘము లెల్లను - గర్త - నీ యెదుటఁ దలంచు కొందును = నేను సిగ్గు నొంది - నిజముగఁ గుందుచు నేను - వేఁడుకొందు - నీ  క్షమాపణ కొరకు || నేమి ||

5. నన్ను నీవు స్థిరపరచుము - కర్త - యన్నిట నను బలపరుచుము = తిన్నని మార్గమున - దృఢముగ నేగుచు - నిన్ను నే స్తుతియింతు - నిండుగ నెల్లప్పు || డేమి ||

        – పులిపాక జగన్నాధము