219
క్రీస్తు లేచెను
రా - యమన్ కళ్యాణి, తా - త్రిపుట
(ఛాయ: నేనును నా యింటి వారును)
క్రీస్తు లేచెను హల్లెలూయ - క్రీస్తు నన్నులేపును = ఇద్దియె సునాద సత్యము - ఇలను చాటుడి నిత్యము||
1.మృతుల పునరుత్థాన పంటకు - ప్రథమ ఫలమగు క్రీస్తులో = మృతులు లేతురు నేను లేతును - నాదువరుసలో నిజమిది||
2.పాపమరణ నరకబలములు - ప్రభుని శక్తికి ఓడెను = పాపినగు నను బ్రోవ క్రీస్తుని ప్రాణదాన ప్రభావము||
3.మరణమా! నీముల్లు యెక్కడ? - మరణమా! జయమెక్కడ? = మరణమా! నీముల్లు విరిగెను - మహిమ క్రీస్తులో నిప్పుడు ||
4.శిలయు ముద్రయు బలిమికావలి - గలిబిలాయెను రాత్రిలో = ఇలయు పరమును కలుసుకొనియెను - గెలుపునొందిన క్రీస్తులో ||
5.మృతులు నీదగువారలందరు - బ్రతికి లేతురు సత్యము = ప్రేతలను జీవింపచేయును - పృథివి క్రీస్తుని విజయము ||
6.స్తుతియు మహిమయు ఘనత నీకె - స్తుతికి పాత్రుడ రక్షకా = స్వంత రక్తము చిందితివి నా - స్వామి యిదెనా యంజలి ||
– బి. సూర్య ప్రకాశరావు
No comments:
Post a Comment