117
క్రిస్మసు వర్తమానము
రా- రేగుప్తి, తా - ఏక
యేసునాధుని యోధులందరు వాసిగ నిటరండు - వేగమె - వాసిగ నిటరండు = భాసురముగ ప్రభు జన్మము బాడుచు - నాసతోడ రండు - వేగమె - యాసతోడ రండు ||జే జయం||
1.దూతలమాదిరి గాత్రము లెత్తుచు - గీతము బాడుండి - వేగమె - గీతము బాడుండి = దాతయౌ మన క్రీస్తుని నీతిని - ఖ్యాతిగ బలుకుండి - వేగమె - ఖ్యాతిగ బలుకుండి ||జే జయం||
2.గొల్లల ప్రభు కడకేగిన రీతిని - నెల్లరు నడువుండి - వేగమె - యెల్లరు నడువుండి = ఉల్లములందున సంతసించి ప్రభు - నెల్లెడ దెలుపుండి - వేగమె - యెల్లడ దెలుపుండి ||జే జయం||
3.జ్ఞానుల భంగిని మానవులందరు - కానుక లియ్యుండి - వేగమె - కానుక లియ్యుండి = మానవకోటికి రక్షణ భాగ్యము దానము బొందుండి - వేగమె - దానము బొందుండి ||జే జయం||
4.మరియ రీతిగను మనసు లోపలను - మురియుచు నుండుండి - వేగమె - కానుక లియ్యుండి = మానవకోటికి రక్షణ భాగ్యము - దానము బొందుండి - వేగమె - దానము బొందుండి ||జే జయం||
5.జయజయ శబ్దము జేయుచు ప్రభునకు - జయమని పాడుండి - వేగమె - జయమని పాడుండి = జయజయ మంచును - జయ శబ్ధముతో జయముల నొందుండి - వేగమె - జయముల నొందుండి ||జే జయం||
- మత్తయి సమూయేలు
No comments:
Post a Comment