Unnathamaina rajyapu vasi | ఉన్నతమైన రాజ్యపువాసీ

ఉన్నతమైన రాజ్యపువాసీ యేసయ్యా - ఆ మహిమను విడిచావా - 

ఎన్నికలేని పాపిని నాకై యేసయ్యా - ఈ ధరణికి వచ్చావా

నీ జన్మ మనుజాలిపంట - సాతనుకే చితిమంట (2)

నా జీవితమంతా నీ ప్రేమగీతి పాడుకుంటా 

1.మంచివారినే ప్రేమించుట - మాకిలలో సాధ్యము కాదే -

మంచికార్యములు చేయు స్వభావము - మాలోపల కానరాదే (2)

మంచితనమన్నదే లేని (2) వంచకుని కరుణించావా

మహిమను విడిచావా - ధరణికి వచ్చావా (2) ||ఉన్నత||

2.ప్రాణప్రదముగా ప్రేమించిన - తన మిత్రుని కొరకైనా - 

ప్రాణము నిచ్చెడు వారిని ఇలలో - ఎచటా కనుగొనలేమే (2)

గుణహీనుడైన మానవుని (2) ఋణము చెల్లింపదలిచావా

మహిమను విడిచావా - ధరణికి వచ్చావా (2)  ||ఉన్నత||

3. పొరుగువాడు కలిగున్నదానినే ఆశించుటయే తప్ప - 

ఇరుగు పొరుగులకు అక్కరలో సహాయము చేయగలేమే (2)

పురుగువంటి నరమాత్రునికి (2) కరుణతో సర్వమిచ్చావా

మహిమను విడిచావా - ధరణికి వచ్చావా (2) ||ఉన్నత||

DOWNLOAD MP3 SONG HERE 👇