156
క్రీస్తు తుఫానును నిమ్మళపర్చుట
రా – ముఖారీ, తా - త్రిపుట
ఏలాటివాఁడో కాని - యీ యేసుని - నేమని వివరింతుము = గాలివాన యేసుని - గద్దింపునకుఁ చాల భయపడి నిలిచెను ||ఏలాటి||
1.ముద్దు శిష్యులతోడను - సముద్రపు - టద్దరికి వెళ్లెను = కొద్ది పడవనెక్కెను - ఇంతలోనె - పెద్దగాలి రేగెను ||ఏలాటి||
2.అల్లకల్లోలముగా - సముద్రము - అల్లలాడు నప్పుడు = చల్లఁగ దోనె వెనుక - తలగడపైని - మెల్లన నిదువోయెన్ ||ఏలాటి||
3.చింత లేదా యేమయ్యా - బోధకుఁడా న - శించిపోవుచున్నాము = ఎంతో వేదన పడితిమి - కాపాడుమ - టంచు శిష్యులు లేపిరి ||ఏలాటి||
4.దిగ్గునఁ బ్రభువు లేచి - యా గాలిని - గద్దించిన వెంటనే = తగ్గి నిమ్మళించెను - సమస్తము - సద్దు ఉడిగిపోయెను ||ఏలాటి||
5.ఏల భీతు లైతిరి - యింతలోనే - యెంత నమ్మిక లేదని = యీలాగు నోదార్చెను - యేసు తన - సొంత శిష్యుల నప్పుడు ||ఏలాటి||
– తూసిలి బెంజిమిన్
No comments:
Post a Comment