విజయోత్సాహముతో - ఊరేగించుచున్నది బహుతరములకు - శోభాతిశయముగ - మార్చుటకు - నా ముందు
అ.ప: బలశౌర్యుడా - నా యేసయ్య - బహుధీరుడా - బహుబలవంతుడా
1. నా మార్గములన్నియు - నీకప్పగించుకొనగ
నీ నీతి నియమములు - నేననుసరించగలిగితిని
శత్రువు సంధించిన బాణబలము వలన - నా అడుగులు తడబడిపోగా
బహుధీరుడవై నా చేయి పట్టి - నా నడతను స్థిరపరచితివి ॥బలశౌర్యుడా॥
2. నిర్జీవ అరణ్యములు - నాకెదురవ్వగా -
బలమైన ముండ్లపొదలు - అడ్డుకంచెగా నా త్రోవ మూసివేయగా
ముందడుగు వేయలేని ఆ నిశిరాత్రిలో - నా గమ్యము కనుమరుగైపోగా
నీతి సూర్యునివై నా ప్రక్క నిలిచి - అడ్డుతొలగించి పచ్చికగా మార్చితివి ॥బలశౌర్యుడా॥
3. నశించిన ఇశ్రాయేలు - జాలరులను పిలచితివి
ఈ తరపు ప్రజలకు - పామరుడనైన నన్ను పిలచితివి రక్షణయే నాకు ప్రాకారముగా చేసి - ప్రఖ్యాతినే నాకు గుమ్మముగా నిలిపి
న్యాయాధిపతివై నాకు న్యాయము తీర్చి - నా దుఃఖ దినములను సమాప్తము చేసితివి ॥బలశౌర్యుడా॥
No comments:
Post a Comment