110 యేసు జన్మము
రా - హరి కాంభోజి తా - త్రిపుట
పుట్టె యేసుఁడు నేఁడు - మనకు - పుణ్యమార్గము జూపను = పట్టి యయ్యెఁ బరమ గురుఁడు - ప్రాయశ్చిత్తుఁడు యేసుడు ||పుట్టె||
1.ధరఁ బిశాచిని వేఁడిన - దు - ర్నరులఁ బ్రొచుటకై యా = పరమవాసి పాపహరుఁడు - వరభక్త జన పోషుఁడు ||పుట్టె||
2.యూద దేశములోను - బేత్లె - హేమను గ్రామమున = నాదరింప నుద్భవించె - నధములమైన మనలఁ ||బుట్టె||
3.తూర్పు జ్ఞానులు కొందఱు - పూర్వ - దిక్కు చుక్కను గాంచి = సర్వోన్నతుని మరియు కొమరుని - కర్పణము లిచ్చిరి ||పుట్టె||
- ఫెలిక్స్ ఆండ్రూ
No comments:
Post a Comment