216
ప్రభు పునరుత్థానము
రా - అసావేరి, తా - త్రిపుట
విజయంబు విజయంబు - విజయంబు మా యేసు - నిజమె మృత్యువు గెల్చి - నేఁడు వేంచేసె = యజమానుఁ డెల్ల ప్ర - యాసము లెడఁబాప - స్వజనుల రక్షింప - సమసె సిలువమీఁద ||విజయంబు||
1.విజయంబు విజయంబు- విజయంబు మానవుల - ¹వృజిన నివృత్తిని - విభుఁ డొనరింపన్ = గుజనులచే నతఁడు క్రూర మరణము నొంది - ²విజిత మృత్యువు నుండి - విజయుండై వేంచేసె ||విజయంబు||
2.విజయంబు విజయంబు - విజయంబు మా యేసు భుజము మీఁదను మోయుఁ - బరిపాలనంబు = ³కుజము మీఁదను బ్రాణ - త్యజనము జేసెను - ధ్వజము మోయుచు సిల్వ - పాప మోడింతము ||విజయంబు||
3.విజయంబు విజయంబు - విజయం బిఁకను మా క - పజయము కాకుండఁ - బ్రభు యేసు క్రీస్తు = సుజనత్వమున వైరి - ⁴వ్రజము గెల్వఁగఁజేసి - నిజముగఁ బరలోక - నిలయంబులో నిల్పు ||విజయంబు||
4.విజయంబు విజయంబు - విజయం బనెడి పాట - నిజ భక్తితో మనము - నేర్చిన వాని = భజియించుదము భూన - భములు తాఁ బాలించు అజిత జీవ ప్రదుఁ - డమరత్వ మిడు మనకు ||విజయంబు||
– జాన్ ఫ్రాన్సిస్ స్పెన్సర్
__________________________
¹పాపము. ²జయింపబడిన. ³చెట్టు. ⁴సమూహము.
No comments:
Post a Comment