నీ హృదయపు ద్వారము తెరువుము త్వరితము - తానే ప్రవేశించును
1. కనికరమందైశ్వర్యుండు - నిన్ను వాత్సల్యముతో విమోచించును
భయంకరమైన పాపమునుండి - విడిపింపనిన్ను వెదకి వచ్చెన్
2. మన్నించు సర్వపాపంబులన్ - తానె మాన్పును సర్వరోగములన్
కృపకనికరముల మకుటము నీకు - ధరియింపజేసి ఘనపరచున్
3. అంధులకు దృష్టి కలుగజేసి - అంగహీనులను లేపి నడువజే సెన్
పలువిధములగు వ్యాధిగ్రస్తులకు - స్వస్థతనిచ్చెను తక్షణమే
4. పాపభారమును భరియించెన్ - నీ రోగములన్నిటి తొలగించెన్
సహించెను కొరడా దెబ్బల బాధలు -
జయించెను అన్ని శోధనలస్
5. కలువరి సిలువలో వ్రేలాడి - తన రక్తము చిందించే ధారలుగా
చేతులలో తన కాళ్ళల సీలలు - ముండ్ల కిరీటము ధరియించె
6. జీవమిచ్చుటకు ప్రాణమిడి - మరి జయించెను ప్రతివిధశోధనలు
నీ కొరకై మరణించి లేచెను - శక్తిమంతుడె నిను రక్షింప
No comments:
Post a Comment